جۇما, 29 ناۋرىز 2024
وسى عوي ەندى... 10244 17 پىكىر 19 قازان, 2017 ساعات 18:09

"حان تاعىنداعى" تاقتايشاعا قاعبانىڭ سۋرەتىن ىلگەن كىم؟

كوكشەتاۋداعى بۋرابايدا ابىلاي حان وتىردى دەپ اڭىزدالاتىن "حان تاعى" دەپ اتالاتىن ەسكەرتكىشتى ءبارىمىز بىلەمىز. ونداعى اقپاراتتىق تاقتايشادا جازىلعان "بۇل جەر قۇلشىلىق جاسايتىن، تابىناتىن، ءتاۋاپ قىلاتىن جەر ەمەس" دەپ ءۇش تىلدە جازۋشىلاردىڭ جىمىسقى ويى دا تۇسىنىكتى. باياعى سەرىك قوسۋ دەگەن سىلتاۋمەن قاسيەتتى جەرلەرگە قول سالۋ عوي.

كەشەگى ماعجان، ساكەندەر جىرعا قوسقان، قۇرمەتتەگەن تاريحي ورىنعا ارابتانعان ۇرپاعىنىڭ قارىم-قاتىناسى وسى بولىپ تۇر. قازاق ەسكەرتكىشكە تابىنبايدى، قۇرمەت كورسەتۋ ارقىلى تاريحي جادىن جاڭعىرتادى، "رۋحاني جاڭعىرۋ" دەگەنىمىز سول.

ال "حان تاعىنا" قىزىل X بەلىسىن قويىپ، ەشقانداي قيسىنى بولماسا دا قاعبانىڭ سۋرەتىن قويىپ، كوكپەن قولداۋ بەلگىسىن ورناتۋلارىن قالاي تۇسىنەمىز؟ قازاقتىڭ ەسكەرتكىشىنە تۇكىرگەنىمىز بار، ودان دا مەككەگە بار /تابىنۋ/ دەگەن ويدى مەگزەپ تۇرعانداي.

ءار مادەنيەتتىڭ ءوز ورىنى بار. بۇل جەردە قاعبا سۋرەتى بەرىلەتىن ەش رەتى جوق. شەتەلدىكتەردى قىدىرتىپ جۇرگەن اعامىز ماعلۇماتتىق تاقتايشانىڭ قاسىندا قوناقتاردىڭ الدىندا جەرگە كىرەردەي قىزارىپ ۇيالعانىن جەتكىزدى. ءوزىمىزدى قويشى، شەتەلدىكتەر ءوز تاريحىن تابانعا سالعان ەل دەپ ءبىزدى مازاق ەتىپ كەتەتىن شىعار. ءوز ەسكەرتكىشتەرىمىزدى ءوزىمىز قادىرلەمەسەك، وزگەلەر قۇرمەتتەر دەپ قالاي ۇمىتتەنەسىز؟

ارمان اۋباكىر

Abai.kz

17 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2274
عيبىرات

قايسار رۋحتى عازيز جان

مۇحتار قۇل-مۇحاممەد 3591