جۇما, 29 ناۋرىز 2024
ماسەلەنىڭ ءمانى 5282 15 پىكىر 25 قازان, 2017 ساعات 08:43

ساعىنتاەۆ: شەكاراداعى احۋال قىرعىز تاراپىنا جاسالىپ جاتقان شەتىن شارا ەمەس

 

ارمەنيانىڭ استاناسى ەرەۆاندا ءوتىپ جاتقان ەۋرازيا ەكونوميكالىق وداعىنا مۇشە ەلدەردىڭ ۇكىمەتارالىق كەڭەسىندە قر پرەمەر-ءمينيسترى باقىتجان ساعىنتاەۆ قازاق-قىرعىز شەكاراسىندا بولىپ جاتقان جاعدايعا بايلانىستى تۇسىنىك بەردى.

قازاق ۇكىمەتىنىڭ باسشىسى القالى جيىندا «شەكاراداعى احۋال قىرعىز تاراپىنا جاسالىپ جاتقان قانداي دا ءبىر شەتىن شارا ەمەس» دەپ ءسوزدىڭ اشىعىن ايتتى.

«قازاقستان جاعى سالىقتان تۇسەتىن ءتۇسىمدى كەمىتىپ الماۋ مەن كوتراباندالىق ارەكەتتەردى تيۋدان وزگە ارەكەتكە بارىپ وتىرعان جوق. ءبىز قىرعىزدان وزگە دە ەكونوميكالىق وداقتاس ەلدەردەن دە وسىنى تالاپ ەتەمىز»، - دەدى ساعىنتاەۆ.

ساعىنتاەۆتىڭ سوزىنە قاراعاندا، ەاەو  ەلدەرىنە قىتايدان  تاسىمالداناتىن تاۋار تۇرلەرى تومەندەپ كەتكەن. تەك قىرعىزستاندا عانا قىتاي يمپورتىنىڭ ديناميكاسى ساقتالىپ قالعان كورىنەدى.

« قحر-دىڭ 2016 جىلعى مالىمەتتەرى بويىنشا، قىتايدان قىرعىزستانعا ەنگەن يمپورتتىق تاۋارلار 2,6 ملرد دوللار، ال قىرعىزستاننىڭ دەرەگى – 900 ملن دوللار. قىرعىزستان قىتايدىڭ كيىمدەرى مەن اياق كيىمدەرىن قازاقستان مەن رەسەيدەن گورى كوبىرەك اكەلەدى»، - دەپ مالىمدەدى ساعىنتاەۆ اتالعان جيىن بارىسىندا. وسىلاي دەي كەلىپ ول قىرعىزستاننىڭ كەدەندىك اكىمشىلىگى ناشار جۇمىس ىستەيدى دەگەن كوزقاراسىن ءبىلدىردى.

«وسىدان بولىپ ەۋرازيالىق ەكونوميكالىق وداق ەلدەرى ندس بويىنشا 2,68 ملرد دوللار جوعالتىپ وتىر. قىسقاسى، شەكاراداعى قاربالاس قىرعىزستانعا قارسى جاسالىپ جاتقان جوق، ءبىز تەك سول جاقتان كەلەتىن جۇك تاسۋشىلاردىڭ زاڭسىز ارەكەتتەرىن انىقتاۋدامىز»، - دەپ جوعارىداعى سوزدەرىن ناقتىلاي ءتۇستى قر پرەمەر-ءمينيسترى.

 Abai.kz

 

15 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3532