الماتى اكىمى باۋىرجان بايبەك قۇرامىنا حالىقارالىق قارجى ۇيىمدارىنىڭ، شەتەلدىك كومپانيالار اسسوتسياتسيالارىنىڭ، كونسالتينگتىك جانە زاڭ كومپانيالارىنىڭ وكىلدەرى، ءىرى شەتەلدىك جانە قازاقستاندىق كاسىپكەرلەر ەنگەن ينۆەستورلار تارتۋ مەن ينۆەستيتسيالىق احۋالدى جاقسارتۋ جونىندەگى كەڭەستىڭ وتىرىسىن وتكىزدى. جيىن بارىسىندا 2022 جىلعا دەيىن ينۆەستيتسيا تارتۋ ستراتەگياسىنىڭ جوباسى تالقىلاندى. قۇجات ۇلتتىق ينۆەستيتسيالىق ستراتەگيا مەن «الماتى-2020» دامۋ باعدارلاماسىنا ساي جاسالعان.

ينۆەستيتسيا تارتۋ سالاسىنداعى اتقارىلعان بىرقاتار جۇمىستاردى قورىتىندىلاي كەلىپ، قالا اكىمىنىڭ ورىنباسارى الماس ماديەۆ بيىلعى جىلدىڭ 9 ايى ىشىندە ينۆەستيتسيانىڭ 13%-عا ءوسىپ، 400 ملرد. تەڭگەنى قۇراعانىن، سىرتقى ينۆەستيتسيانىڭ 23,5%-عا ارتقانىن، جەكە ينۆەستيتسيالار ۇلەسىنىڭ 78%-عا جەتىپ، 17%-عا ۇلعايعانىن ايتتى.

«بيزنەستى دامىتۋدىڭ باستى شارتى - تۇراقتى ينفراقۇرىلىمدى قالىپتاستىرۋ. وسى ورايدا الماتىدا يندۋستريالدى ايماق جۇمىس ىستەيدى، مۇندا وڭدەۋشى ءوندىرىس ورىندارى جەڭىلدەتىلگەن دايىن ينفراقۇرىلىمداردى پايدالانا الادى. جوعارى تەحنولوگيالى كومپانيالار ءۇشىن «يننوۆاتسيالىق تەحنولوگيا پاركىنىڭ ارنايى ەكونوميكالىق ايمعاى بار، مۇندا رەزيدەنتتەرگە كەدەندىك جانە سالىقتىق جەڭىلدىكتەر بەرىلەدى. الماتىدا شوب-كە جەڭىلدەتىلگەن نەسيە بەرۋ باعدارلاماسى بويىنشا مىڭداعان جوبالار قولداۋ تابۋدا. يندۋستريالاندىرۋ كارتاسىنا 12 مىڭ جۇمىس ورنىن اشاتىن 100 جوبا ەنگەن. سونىمەن قاتار قالانىڭ ينۆەستيتسيالىق تارتىمدىلىعىن جاقسارتاتىن ستراتەگيا دا جاسالدى»، - دەپ اتاپ ءوتتى ا.ماديەۆ.

جۇرگىزىلگەن زەرتتەۋدىڭ ناتيجەسى بويىنشا ءۇش سالاعا ينۆەستيتسيا تارتۋ تارتىمدى ەكەنى انىقتالدى، ولار - تۋريزم، ساۋدا، تاماق ونەركاسىبى. ينۆەستيتسيا ماسەلەسىن شەشۋدە نارىق اۋقىمى، جۇمىس كۇشى، قاۋىپسىزدىك پەن اشىقتىق باستى فاكتورلار بولىپ تابىلادى.

ينۆەستيتسيا تارتۋدىڭ ستراتەگياسى ءتورت باعىتتى قامتيدى، ولار: «ينستيتۋتسيونالدى ورتانىڭ ساپاسىن ارتتىرۋ»، «بيزنەس- ينفراقۇرىلىمنىڭ ساپاسىن ارتتىرۋ»، «يميدجدىك جىلجۋ جانە اقپاراتتىق قولداۋ» جانە «اكتيۆتى جوبالى تارگەتتەۋ جولىمەن نەگىزگى سالالارعا ينۆەستيتسيا تارتۋ».

«الماتى قالاسىندا جاقسى ينۆەستيتسيالىق احۋالدى قالىپتاستىرۋ جانە ينۆەستورلارمەن، بيزنەسمەندەرمەن اشىق ءارى جاقسى قارىم- قاتىناس ورناتۋ- بارىنشا ماڭىزدى. ولاردىڭ ارقايسىسى وزدەرىنىڭ شتاب- پاتەرلەرىنىڭ ەلشىسى رەتىندە الەمدەگى سەرىكتەستەرى تۋرالى جيناقتاعان تاجىريبەلەرىن ورتاعا سالادى. ءبىز كەز- كەلگەن باستاماعا قولداۋ كورسەتەمىز، ۇتىمدى شەشىمدەر قابىلداۋ ءۇشىن ءتۇرلى كەزدەسۋلەردى، ديالوگتى قۇپتايمىز»، - دەدى قازاقستاننىڭ ەۆروپالىق بيزنەس اسسوتسياتسياسىنىڭ اتقارۋشى ديرەكتورى يۋليا كۋسيدي.

جيىن قورىتىنىدىسى بويىنشا كەڭەس مۇشەلەرى ايتقان ۇسىنىستار مەن، تولىقتىرۋلار ەنگىزىلگەن الماتىعا 2020 جىلعا دەيىن ينۆەستيتسيا تارتۋدىڭ ستراتەگياسى بەكىتىلدى.

ەسكە سالساق، كەڭسەتىڭ قۇرامىنا مەملەكەت باسشىسىنىڭ تاپسىرماسى بويىنشا حالىقارالىق قارجى ۇيىمدارىنىڭ، شەتەلدىك كومپانيالار اسسوتسياتسيالارىنىڭ، كونسالتينگتىك جانە زاڭ كومپانيالارىنىڭ وكىلدەرى، ءىرى شەتەلدىك جانە قازاقستاندىق كاسىپكەرلەر ەنگەن. ولاردىڭ قاتارىندا كاسپي ءوڭىرى بويىنشا «Deloitte» كومپانياسىنىڭ باسقارۋشى سەركىتەسى مارك سميت، قازاقاتانداعى ازيا دامۋ بانكى وكىلدىگىنىڭ ديرەكتورى دجوۆانني كاپاننەللي، «Astana Group» حولدينگىنىڭ ديرەكتورى نۇرلان سماعۇلوۆ جانە باسقالارى بار.

ەرعالي بەرىكۇلى

Abai.kz