جۇما, 29 ناۋرىز 2024
مىنە، اڭگىمە! 2740 0 پىكىر 14 قاراشا, 2017 ساعات 02:45

الماتىدا 1450 سپورتتىق نىسان حالىققا قىزمەت ەتەدى

«ۇزدىك سپورتتىق ءوڭىر» ۇمىتكەرلەر قاتا­رىنداعى (رەسپۋبليكالىق دەڭ­گەي­دەگى قالا، وبلىس دەنە شىنىقتىرۋ جانە سپورت باسقارمالارى) الماتى قالاسىنىڭ دەنە شىنىقتىرۋ جانە سپورت باسقار­ماسىنا 2016 جىلدىڭ تامىز ايىنان ءدوڭ­باەۆ ءابىل بەكەت­ۇلى باسشىلىق ەتەدى.

قازاقستان رەسپۋبليكاسىنىڭ ۇلتتىق وليمپيادا كوميتەتى  «حا­بار» اگەنتتىگى­مەن بىرلەسىپ ۇيىمداس­تىرعان بايقاۋ 2017 جىلدىڭ 28 قارا­شاسىنا دەيىن جالعاسا­دى. داۋىس بەرۋ http://www.ءolympىc.kz رەسمي ساي­تىندا  كەلەسى نوميناتسيالار بو­يىن­­شا وتۋدە: «جازعى سپورت تۇرلەرى­نەن ۇزدىك سپورت­شى»، «قىسقى سپورت تۇرلەرىنەن ۇزدىك سپورتشى»، «ۇزدىك جاس سپورتشى»، «جازعى سپورت تۇرلە­رىنەن ۇزدىك باپكەر»، «قىسقى سپورت تۇرلەرىنەن ۇزدىك باپكەر»، «وليم­پيا­دالىق سپورت تۇرلەرىنەن ۇزدىك سپورت­تىق فەدەراتسيا»، «ۇزدىك سپورتتىق ءوڭىر» (رەسپۋب­ليكالىق دەڭگەيدەگى قالا، وبلىستىق دەنە شىنىقتىرۋ جانە سپورت باسقارمالارى), «جىل جاڭالىعى»، «ۇزدىك جىل كومانداسى».

الماتى اكىمدىگى سپورت باسقارماسىمەن بىرلەسە وتىرىپ، جىلدىڭ باسىنان الما­تىدا 2,5 مىڭ سپورتتىق شارا وتكىزى­لىپ، 400 مىڭ ادام قامتىلعان. اتاپ وتسەك، وسى جىلدى ءبىز الەمنىڭ 57 ەلىنەن 2,5 مىڭنان استام دەلەگاتتىڭ قاتىسۋىمەن 28 قىسقى ۋنيۆەرسيادا ويىندارىمەن باستادىق. ەل تاريحىنداعى ەڭ اۋقىمدى سپورتتىق دودا بولعان ۋنيۆەرسيادانىڭ وتۋىنە جالپى جۇرتشىلىق، سپورتشىلار مەن حالىقارالىق ساراپشىلار وڭ باعاسىن بەردى. سونىمەن قاتار، «الماتى تۋرى»، «الەم بارىسى»، شىم­بۇلاقتا وتكەن «تاۋ جانە سپورت فەس­تيۆالى»، «ۇلى دالا ويىندارى»، فۋتزالدان ەۋروپا چەمپيوناتىنا ىرىكتەۋ جانە ۋەفا كۋبوگىنىڭ تورتتىك فينالى جانە ت.ب. وتكى­زىلدى. ورتالىق ازيادا ەڭ اۋقىمدى بۇقا­رالىق سپورتتىق شارالاردىڭ ءبىرى دە بىرەگەيى 20 مىڭ ادامنىڭ قاتىسۋىمەن وتكەن «الماتى مارافونى» بولىپ تابىلادى.

وتكەن جىلى بۇقارالىق سپورتتى دامى­تۋ جانە ناسيحاتتاۋ ماقساتىندا «سپورتتىق الماتى» جوباسى ىسكە قوسىلعان. وسى جىلدىڭ باسىنان اتالمىش باعدارلاما اياسىندا بۇقارالىق جانە سپورتتىق  مىڭ شارا ۇيىمداستىرىلىپ، جالپى، ولارعا  ءجۇز وتىز بەس مىڭ قالا تۇرعىنى قاتىسقان. جىل­دان-جىلعا سپورتپەن شۇعىلدانۋ­شى­لار سانى ءوسىپ كەلەدى. ماسەلەن، 2014 جىلى ولاردىڭ سانى 26,5 پايىزدى قۇراسا، 2016 جىلى 29 پايىزدى، ياعني جارتى ميلليوننان كوپ ادامدى قامتىدى. وسى جىلى ىسكە قوسىلعان «سپورت مەنىڭ اۋلامدا» جوباسى اياسىندا قازىرگى تاڭدا 600 اۋلادان 75-ءى تاڭ­داپ الىنىپ، جۇمىس ىستەۋدە جانە 6 اۋدان بويىنشا 6000 بالا  سپورتپەن اينالىسادى. تاجىريبەلى باپكەرلەر اپتاسىنا 6 كۇن، 2 مەز­گىل، جالپى، كۇنىنە 2 ساعات جۇمىس ىستەي­دى. ال دەمالىس كۇندەرى، اۋلا كوماندالارى اراسىندا سپورتتىق  شارالار وتەدى.

جالپى، الماتىدا 1450 سپورتتىق نىسان حالىققا قىزمەت ەتەدى. «تۋعان جەر» باع­دارلاماسىنىڭ اياسىندا، الاتاۋ اۋدا­نىندا اشىق جەڭىل اتلەتيكا جاتتىعۋ ستا­ديونى اشىلدى، سونداي-اق، «مامىر» تەن­نيس ورتالىعى، ورتالىق ستاديوننىڭ قوسال­قى الاڭىن جوندەۋ جۇمىستارى جۇرگىزى­لۋدە. كەلەسى جىلى مەدەۋ اۋدانىندا 5 مىڭ ورىن­عا ارنالعان جەڭىل اتلەتيكالىق مانەج­دىڭ قۇرىلىسى جوسپارلانعان. سونى­مەن قاتار، ەلباسى تاپسىرماسىمەن، ۋني­ۆەرسيادا اياسىندا «حالىق ارەنا»  جانە «الماتى ارەنا» اتلەتيكالىق  اۋىلى سياقتى بىرەگەي عيماراتتار بوي كوتەردى. جىل باسىندا وتكەن ءدۇبىرلى دودا – ۋني­ۆەرسيادا ءۇشىن سالىنعان نىساندار دا بۇگىن­دە جۇرتشىلىق ءۇشىن قىزمەت ەتۋدە. ولار ءىرى مادەني جانە سپورتتىق شارا­لاردىڭ، سونىمەن قاتار، حوككەي، كونكي تەبۋ جانە ت.ب. قىسقى سپورت تۇرلەرىنىڭ ورتا­لىعىنا اينالۋدا. وقۋشىلار مەن ستۋدەنت­تەرگە 50 پايىز جەڭىلدىكتەر قاراستىرىلعان. وتكەن ماۋسىمدا مەدەۋ مەن شىمبۇلاققا 800 مىڭعا جۋىق دەمالۋشى كەلگەن. ياعني كۇنىنە 10 مىڭعا جۋىق ادام تاۋعا شىعىپ، شاڭعى تەپكەن. وتكەن جىلى 290, ال وسى جىلى 470 بالالار، شاعىن فۋتبول  الاڭدارى قۇرىلعان.

تاجىريبەگە سۇيەنەتىن بولساق، ۇلتتىق سپورت تۇرلەرىنىڭ باسىم بولىگى اۋىلدىق جەرلەردە قارقىندى دامىعان (ات سپورتى تۇرلەرى، جەكپە-جەك جانە ت.ب.). ايتا كەتسەك، الماتىلىق يپپودرومدا ۇلتتىق سپورت تۇرلەرى قازاق كۇرەسى، توعىزقۇمالاق، اسىق اتۋ جانە ت.ب 121 شارا وتكىزىلگەن.  2016 جىلى كۇندەلىكتى وسى سپورت تۇرلەرىمەن اينا­لىسۋشىلار سانى 15 پايىزعا، 2,6 مىڭ ادامعا دەيىن ءوستى. سونىمەن قاتار، دەنە شىنىقتىرۋ جانە سپورتپەن شۇعىلداناتىن مۇمكىندىگى شەكتەۋلى جاندارعا ەرەكشە كوڭىل بولىنەدى، ولار سانى 2,5 مىڭنان استام ادامدى قۇرايدى. وسى باعىتتى قارجى­لاندىرۋ 18 پا­يىزعا  ءوستى.

جالپى، الماتىدا 117 سپورت ءتۇرى دامىپ كەلەدى. ولاردىڭ: 38-ءى – جازعى وليمپيادا سپورت تۇرلەرى، 12-ءى – قىسقى وليمپيادا سپورت تۇرلەرى جانە 67-ءى – وليمپيادالىق ەمەس سپورت تۇرلەرى.

وسى جىلى الماتى كومانداسى ءىV جاستار ويىندارىندا ءبىرىنشى ورىندى يەلەنسە، سونداي-اق، 2016 جىلى مەكتەپ جانە كوللەدج وقۋشىلارى اراسىندا وتكەن سپارتاكيادادا جالپىكوماندالىق ەسەپتە جەڭىس تۇعىرىنان كورىندى.

جىلدىڭ سپورتتىق جۇلدەسىنىڭ قورى­تىندىسى سالتاناتتى تۇردە قاراشانىڭ 30-ى  كۇنى  وتەدى.

نۇرلان ءسۇيىن

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2279
عيبىرات

قايسار رۋحتى عازيز جان

مۇحتار قۇل-مۇحاممەد 3596