استانادا سلاۆيان جازبالارى مەن مادەنيەتى كۇنىنە ارنالعان "عاسىرلار توعىسىنداعى سلاۆيان جانە تۇركى حالىقتارى: ءتىلى، مادەنيەتى، جازبالارى" تاقىرىبىندا حالىقارالىق دوڭگەلەك ۇستەل.ءوتىپ جاتىر.

دوڭگەلەك ۇستەلدى   قر مادەنيەت جانە سپورت مينيسترلىگى تىلدەردى دامىتۋ جانە قوعامدىق-ساياسي جۇمىس كوميتەتى "ش.شاياحمەتوۆ اتىنداعى تىلدەردى دامىتۋدىڭ رەسپۋبليكالىق ۇيلەستىرۋ-ادىستەمەلىك ورتالىعى" ۇيىمداستىرعان.

بىزگە بەلگىلى ءداستۇر بويىنشا سلاۆيان حالقى "سلاۆيان جازبالارى مەن مادەنيەتى كۇنىن" 24-مامىر كۇنى اتاپ وتەدى.

ءدال وسى شاراعا قاتىستى ەلىمىزدىڭ ايماقتارىندا ءتۇرلى عىلىمي-پراكتيكالىق كونفەرەنتسيالار مەن دوڭگەلەك ۇستەلدەر، كاتاپ كورمەلەرى مەن تانىمدىق كونتسەرتتىك باعدارلامالار وتكىزىلگەنى تۋرالى حابارلاعان بولاتىنبىز.

دوڭگەلەك ۇستەلدىڭ ماقساتى – عاسىرلار توعىسىنداعى سلاۆيان جانە تۇركى حالىقتارىنىڭ تىعىز قارىم-قاتىناسى، ورىس جانە باسقا دا سلاۆيان تىلدەرىن ۇيرەتۋ سالاسىندا قالىپتاسقان تاجىريبە الماسۋلار مەن قازاقستاننىڭ ەتنومادەني كەڭىستىگىندە سلاۆيان تىلدەرىن ساقتاۋ مەن دامىتۋدىڭ ءتۇرلى اسپەكتىلەرى توڭىرەگىندەگى پىكىر الماسۋلار بولىپ وتىر.

دوڭگەلەك ۇستەل جۇمىسىنا قر مادەنيەت جانە سپورت ۆيتسە-ءمينيسترى م.ا.ءازىلحانوۆ، رەسەيدىڭ قازاقستانداعى توتەنشە جانە وكىلەتتى ەلشىسى م.ن.بوچارنيكوۆ، بەلارۋسيانىڭ قازاقستانداعى توتەنشە جانە وكىلەتتى ەلشىسى ا.نيچكاسوۆ، قازاقستان حالقى اسسامبلەياسىنىڭ توراعاسىنىڭ ورىنباسارى و.گ.دىموۆ، «ۋكراїنسكى نوۆيني» گازەتىنىڭ باس رەداكتورى ت.ا.چەرنەگي جانە ت.ب. قاتىسۋدا.

دوڭگەلەك ۇستەل اياسىندا سلاۆيان فيلولوگياسىنىڭ وقۋ-ادىستەمەلىك وقۋلىقتارى بويىنشا كورمە وتۋدە.

Abai.kz