پرەزيدەنتتىڭ وكىلەتتىلىگىن ۇزارتۋ تۋرالى ۇسىنىستاردىڭ بيىلعى جىلعى جانكەشتى جارىسىنا جاڭا ەسىمدەر قوسىلدى. سەمەيدەگى شاكارىم اتىنداعى مەملەكەتتىك ۋنيۆەرسيتەتىنىڭ رەكتورى ەرلان سىدىقوۆ ەلباسىنىڭ وكىلەتتىلىگىن 2020-نشى (!) جىلعا دەيىن ۇزارتۋ كەرەك دەگەن باستاما كوتەرىپ وتىر. ەرەكەڭنىڭ ءوز ويىنا ءوزى سەنىپ كەتكەنى سونشالىق، وسكەمەن قالاسى اكىمدىگىنە جەلتوقساننىڭ ونى كۇنى  «ەرەكشە» باستامانى قولداۋشى ىنتالى توپ قۇرۋ جونىندە ءوتىنىش ءتۇسىرىپ، ءدال قازىر ەلىمىزدىڭ ءار وڭىرىنەن قاقاعان قىسقا، جاقىنداعان جاڭا جىلعا قاراماي، بيلىككە دەگەن شەكسىز ماحابباتتارىنا ادال 850 (!) ادام پرەزيدەنتتىڭ وكىلەتتىلىگىن ۇزارتۋ ءۇشىن رەسپۋبليكالىق رەفەرەندۋم وتكىزۋ ماسەلەسى بويىنشا، بەلسەندى توپتى شۇعىل تۇردە قۇرىپ، ونىڭ العاشقى وتىرىسىن وتكىزىپ تە جىبەرىپتى.

جيىنعا سوناۋ ەۋروپادان ات ارىلتىپ ەلگەزەك ەلشى ولجاس سۇلەيمەنوۆ تە ەكى وكپەسىن قولىنا الىپ جەتىپتى. ولجەكەڭ سايلاۋ سياقتى شارالارعا مەملەكەتتىڭ قارجىسىن سايلاۋعا شاشۋعا قارسى ەكەن. پرەزيدەنتىمىزدىڭ ودان دا ماڭىزدى جۇمىستارى بار، سولاردى جاساۋىنا بوگەت بولمايىق دەپ سايراپ وتىر. «ءتىپتى، سايلاۋ وتكەن كۇننىڭ وزىندە  ونىڭ قورتىندىسى بەلگىلى. سوندىقتاندا دا سايلاۋعا اقشا ىسىراپ ەتۋ ءجون ەمەس»، دەپتى. بۇل ءسوز بەلسەندىلەردىڭ جانىنا جاعىپ كەتكەنى سونشالىقتى دۇركىرەتىپ قول شاپالاقتاپ جىبەرىپتى.

پرەزيدەنتتىڭ وكىلەتتىلىگىن ۇزارتۋ تۋرالى ۇسىنىستاردىڭ بيىلعى جىلعى جانكەشتى جارىسىنا جاڭا ەسىمدەر قوسىلدى. سەمەيدەگى شاكارىم اتىنداعى مەملەكەتتىك ۋنيۆەرسيتەتىنىڭ رەكتورى ەرلان سىدىقوۆ ەلباسىنىڭ وكىلەتتىلىگىن 2020-نشى (!) جىلعا دەيىن ۇزارتۋ كەرەك دەگەن باستاما كوتەرىپ وتىر. ەرەكەڭنىڭ ءوز ويىنا ءوزى سەنىپ كەتكەنى سونشالىق، وسكەمەن قالاسى اكىمدىگىنە جەلتوقساننىڭ ونى كۇنى  «ەرەكشە» باستامانى قولداۋشى ىنتالى توپ قۇرۋ جونىندە ءوتىنىش ءتۇسىرىپ، ءدال قازىر ەلىمىزدىڭ ءار وڭىرىنەن قاقاعان قىسقا، جاقىنداعان جاڭا جىلعا قاراماي، بيلىككە دەگەن شەكسىز ماحابباتتارىنا ادال 850 (!) ادام پرەزيدەنتتىڭ وكىلەتتىلىگىن ۇزارتۋ ءۇشىن رەسپۋبليكالىق رەفەرەندۋم وتكىزۋ ماسەلەسى بويىنشا، بەلسەندى توپتى شۇعىل تۇردە قۇرىپ، ونىڭ العاشقى وتىرىسىن وتكىزىپ تە جىبەرىپتى.

جيىنعا سوناۋ ەۋروپادان ات ارىلتىپ ەلگەزەك ەلشى ولجاس سۇلەيمەنوۆ تە ەكى وكپەسىن قولىنا الىپ جەتىپتى. ولجەكەڭ سايلاۋ سياقتى شارالارعا مەملەكەتتىڭ قارجىسىن سايلاۋعا شاشۋعا قارسى ەكەن. پرەزيدەنتىمىزدىڭ ودان دا ماڭىزدى جۇمىستارى بار، سولاردى جاساۋىنا بوگەت بولمايىق دەپ سايراپ وتىر. «ءتىپتى، سايلاۋ وتكەن كۇننىڭ وزىندە  ونىڭ قورتىندىسى بەلگىلى. سوندىقتاندا دا سايلاۋعا اقشا ىسىراپ ەتۋ ءجون ەمەس»، دەپتى. بۇل ءسوز بەلسەندىلەردىڭ جانىنا جاعىپ كەتكەنى سونشالىقتى دۇركىرەتىپ قول شاپالاقتاپ جىبەرىپتى.

شىعىستا نازارباەۆتى سايلاۋعا تۇسىرمەۋدىڭ شارۋاسىن شىر-پىر بولىپ قورعاشتاپ جاتقاندا بۇعان پارلامەنتتىڭ قابىرعاسىنان زاعيپا باليەۆا دا ءۇن قاتتى. دەپۋتات حانىم پرەزيدەنتتىڭ وكىلەتتىلىگىن 2020 جىلعا دەيىن ەمەس، 2030 جىلعا دەيىن ءبىر-اق ۇزارتۋ كەرەك دەپ سالدى. زاعيپا حانىم سايلاۋ وتكىزۋدەن ابدەن زارەزاپ بولسا كەرەك.

جيىن ءالى جالعاسىپ جاتىر. جارىسا بەرسە، 2040-شى، 2050-ءشى دەگەندەردىڭ دە شەتى كورىنىپ قالار. قازاق دەگەن كەڭ حالىقپىز عوي...

جالپى العاندا، بيىلعى جىل پرەزيدەنت نازارباەۆتىڭ وكىلەتتىگىن ۇزارتۋ ۇسىنىستارىنىڭ جىلى بولدى. بايدوسوۆ دەگە اقتوبەلىك اقساقال بايقاۋسىز دا ەمەس، باعىتتاپ تۇرىپ جارىستى باستاپ كەپ جىبەرگەن. سودان جىل بويى اراكىدىك «بالەن جىلعا دەيىن وتىرا بەرسىن»، «ءومىر-باقي وتىرسىن» دەگەن جالىندى باستامالاردان قۇلاق تۇندى. ءبىر قىزىعى ءبارى - حالىقتىڭ قالاۋى وسى دەيدى.

اقىرى، اۋىزدارى اق كوبىكتەنىپ نۇرسۇلتان ءابىشۇلىنىڭ ەل باسقارۋ مەرزىمىن سوزايىق دەگەندەردىڭ «دۇعاسى» جەردەگى «قۇدايدىڭ» قۇلاعىنا جەتىپ، ەلباسى تۋرالى ارنايى زاڭ قابىلدانىپ تىنىپ ەدى. ەندى مىنە، 2011-ءنشى سايلاۋ جىلى جاقىنداعان كەزدە بۇل تاقىرىپ جاندانىپ، جالاۋلانىپ تاعى شىقتى.

ءبىزدىڭ بىلۋىمىزشە، ەلباسىمىزدى سايلاۋعا تۇسىرمەۋدىڭ ەكى بىردەي جوسپارى جاسالىپ جاتىر-مىس. ءبىرىنشىسى، پرەزيدەنتتىڭ وكىلەتتىگىن 2020-نشى بولماسا 2030-نشى جىلعا دەيىن ۇزارتاتىن، ونى حالىقتىق سايلاۋعا تۇسىرتپەيتىن رەفەرەندۋم وتكىزۋ. ەكىنشىسى - كونستيتۋتسيانى وزگەرتۋ ارقىلى پرەزيدەنت سايلاۋىن پارلامەنتكە تاپسىرۋ. ياعني پارلامەنتتىڭ ءرولىن كۇشەيتىپ، دەموكراتيالىق بيلىكتىڭ بار ەكەنىن پاش ەتۋ. وسى ەكى جولدىڭ قايسىسىنىڭ ىسكە اساتىنىن الداعى قاڭتارداعى «نۇر-وتان» پارتياسىنىڭ قۇرىلتايىندا نە بولماسا ودان كەيىنگى پرەزيدەنتتىڭ جولداۋىنان بىلەتىن بولارمىز. وسى ەكى جولدى قولداپ وتىرعان ىقپالدى ساياسي كۇشتەر دە جوق ەمەس.

سونىمەن، نە كەرەك، 2011-ءنشى جىلدىڭ باستى جاڭالىعى ازيادا ەمەس، پرەزيدەنتتىڭ وكىلەتتىلىگىن ۇزارتۋ جونىندەگى جارىستىڭ ناتيجەسى بولاتىن ءتۇرى بار. «جەل سوقپاسا ءشوپتىڭ باسى قيمىلدامايتىنى» راس بولسا، اقوردا ىسكە الدەن كىرىسىپ كەتكەن سەكىلدى...

پرەزيدەنت قاي جولدى تاڭداسا دا، سىدىقوۆ پەن باليەۆانىڭ ەسەپتەرى تۇگەل بولار. مىسالى، ەرەكەڭنىڭ تۇسىنە كەيىنگى كەزدە ەسىلدىڭ سول جاعالاۋى ءجيى كىرىپ جۇرسە تاڭ قالمايمىز. ەرتەڭدەرى بيلىكتەگى اۋىس-ءتۇيىس كەزىندە ەرەكەڭ جۇماعۇلوۆتىڭ  جانىنا جايعاسا قالا ما؟! بولماسا الماتى نە استاناداعى ءىرى ۇلتتىق ۋنيۆەرسيتەتتىڭ بىرىنە بارىپ وتىرا ما، كىم ءبىلسىن...

باليەۆا دەمەكشى، سوڭعى بىرەر اپتادا «ۆرەميا» گازەتىندە «بۇ كىسى مينيستر كەزىندە مەملەكەت قارجىسىن دۇرىس پايدالانبادى» دەگەن اڭگىمە كوپ ايتىلىپ ءجۇر. بيۋدجەتتىڭ اقشاسىن اساعانداردىڭ اياقتارى كوكتەن كەلىپ جاتقانىن كورىپ وتىرعان زاعيپا باليەۆا بەلسەندىلىك تانىتىپ، ورنىنان اتىپ تۇرماعاندا قايتەدى ەندى؟! دەپۋتاتقا دا جان كەرەك بولار، ءسىرا...

ءبىر سوقىر ايتىپتى عوي كورەمىز دەپ...

«اباي-اقپارات»