بەرىك ابدىعاليەۆ. سماعۇل سۇيەگىنىڭ كۇلى... استانادا جەرلەنۋى كەرەك
قازاق تاريحىندا ۇلت ازاتتىعى ءۇشىن بولعان قانتوگىس كوتەرىلىستەر، الاش ارىستارىنىڭ ايبىندى كۇرەسى، 1986 جىلعى وقيعا، مۇنىڭ ءبارىنىڭ جەمىسى - بۇگىنگى ازاتتىق، تاۋەلسىزدىك. اتا-بابالارىمىز وسى ەركىندىك جولىندا قۇربان بولدى. مۇنى ءبىز ەشقاشان ۇمىتپاۋىمىز كەرەك.
...مەن ءوزىم ارقاشان ۇلگى تۇتاتىن ۇلت زيالىلىرىنىڭ شوعىرى ول - الاش ارىستارى. ءاليحان بوكەيحانوۆ تا، احمەت بايتۇرسىنوۆ تا، مىرجاقىپ دۋلاتوۆ تا ەلى ءۇشىن قىزمەت ەتىپ، سول جولدا قۇربان بولدى. تاريحىمىزدا «ۇلت» ءۇشىن عازيز باسىن ءباي تىككەن قازاقتار كوپ بولدى. ۇلتتىق مىنەزدى جاندار قازاقستان ءۇشىن بۇگىن دە اۋاداي قاجەت. قازاققا العان ماقساتىنان قايتپايتىن، ەل ءۇشىن قىزمەت جاسايتىن ءور مىنەز جەتىسپەي تۇر قازىر.
قازاق تاريحىندا ۇلت ازاتتىعى ءۇشىن بولعان قانتوگىس كوتەرىلىستەر، الاش ارىستارىنىڭ ايبىندى كۇرەسى، 1986 جىلعى وقيعا، مۇنىڭ ءبارىنىڭ جەمىسى - بۇگىنگى ازاتتىق، تاۋەلسىزدىك. اتا-بابالارىمىز وسى ەركىندىك جولىندا قۇربان بولدى. مۇنى ءبىز ەشقاشان ۇمىتپاۋىمىز كەرەك.
...مەن ءوزىم ارقاشان ۇلگى تۇتاتىن ۇلت زيالىلىرىنىڭ شوعىرى ول - الاش ارىستارى. ءاليحان بوكەيحانوۆ تا، احمەت بايتۇرسىنوۆ تا، مىرجاقىپ دۋلاتوۆ تا ەلى ءۇشىن قىزمەت ەتىپ، سول جولدا قۇربان بولدى. تاريحىمىزدا «ۇلت» ءۇشىن عازيز باسىن ءباي تىككەن قازاقتار كوپ بولدى. ۇلتتىق مىنەزدى جاندار قازاقستان ءۇشىن بۇگىن دە اۋاداي قاجەت. قازاققا العان ماقساتىنان قايتپايتىن، ەل ءۇشىن قىزمەت جاسايتىن ءور مىنەز جەتىسپەي تۇر قازىر.
بۇنىڭ نەگىزىگى سەبەبى قازاق ەركىندىگىن ارمانداپ، كورە الماي كەتكەن اسىلدارىمىزدىڭ ەسىمدەرى مەملەكەتتىك دەڭگەيدە دارىپتەلمەي جاتقاننان دا بولار دەپ ويلايمىن. ءبىز الاش ارىستارىنىڭ تولقى قۇرامىن ءالى تۇگەلدەي الماي كەلەمىز. جۋىردا الاش قايراتكەرى سماعۇل سادۋاقاسوۆتى زەرتتەۋشى بەلگىلى عالىم ديقان قامزابەكۇلىنان ماسكەۋ قالاسىنداعى «دونسكوي» زيراتىنداعى شىركەۋدە سادۋاقاسوۆ سۇيەگىنىڭ كۇلى جاتقانىن ەستىپ، ارنايى ىزدەپ باردىم (سۋرەتتەردى قاراڭىز - رەد). مارقۇمدى قازاقستانعا قايتا جەرلەۋ ءۇشىن، زيرات باسشىلىعىنا ءوتىنىش ءبىلدىردىم. قارسىلىعىمىز جوق دەدى ولار، بىراق قيساپسىز كوپ قۇجاتتاردىڭ كەرەك ەكەنىن ايتتى. ماسكەۋدە كوپ تانىستارى بار، قوعام قايراتكەرى سابىر قاسىموۆتى كومەككە شاقىرىپ ەدىم، ول كىسى مەنىڭ ءوتىنىشىمدى بىردەن ەسكەرىپ، قازىر رۇقسات قاعازىن الىپ جاتىر. ەندى ەل بولىپ، جاستاي ارماندا كەتكەن ارىسىمىز سماعۇلدى تاۋەلسىز قازاقستانعا، استانامىزعا اكەلىپ جەرلەۋ قاجەت.
«اباي-اقپارات»
