ستەنفوردتا وتكىزىلگەن سىناقتا "جاساندى ينتەللەكت" نەگىزىندە وقۋ باعدارلاماسى 82,65 ۇپاي العان. ادامداردا بۇل كورسەتكىش - 82,3 ۇپاي.

ءماتىندى ءتۇسىنۋ باعدارلاماسى (natural language processing) ادامدار سياقتى سوزدەر مەن سويلەمدەردىڭ ماعىناسىن تۇسىنۋگە تىرىسادى. بۇل سالاداعى جەتىستىك كومپيۋتەرلەرگە قويىلعان ساۋالعا دۇرىس جاۋاپ بەرۋگە كومەكتەسەدى.

Alibaba زەرتتەۋ فيليالىن باسقاراتىن عالىم سي لۋونىڭ ايتۋىنشا، كومپيۋتەرلەر "جاڭبىر قايدان پايدا بولادى؟" دەگەن سەكىلدى سۇراقتارعا تولىعىراق جاۋاپ بەرەتىن بولادى.

جاساندى ينتەللەكت - قازىرگى عىلىمداعى ەڭ وزەكتى باعىتتاردىڭ ءبىرى.

امبەباپ "جاساندى ينتەللەكت" ءالى جاسالماسا دا، نەيرون جەلىسىنە نەگىزدەلگەن كومپيۋتەرلىك باعدارلامالار ادامداردى وزىپ بارا جاتىر. بۇعان دەيىن كومپيۋتەر شاحمات، گو ويىندارىندا، بەينەنى تانۋدان ادامدى ارتقا تاستاسا، ەندى ءماتىن مازمۇنىن تۇسىنۋدەن وزىپ شىقتى.

Abai.kz