رەسەيدە بەتپەردە كيگەن بەلگىسىز ادامدار مەكتەپكە شابۋىل جاسادى
رەسەيدىڭ پەرم قالاسىندا دۇيسەنبى كۇنى بەتپەردە كيگەن ەكى ادام № 127 مەكتەپكە شابۋىل جاساعان. سەگىز وقۋشى مەن مۇعالىم پىشاق جاراقاتىن العان. ەكەۋى اۋىر حالدە جاتىر. بۇل جونىندە ريا نوۆوستي اگەنتتىگىنە پەرم ايماقتىق قاۋىپسىزدىك مينيسترلىگىنىڭ ءباسپاسوز حاتشىسى ەلەنا دۋبينينا مالىمدەگەن.
وسىنىڭ الدىندا ربك 4-سىنىپتىڭ بىرقاتار وقۋشىسى مەن مۇعالىمى كەپىلدە وتىر دەپ حابارلاعان.
كۋاگەرلەردىڭ حابارلاۋىنشا، مەكتەپ قورشالعان. وندا قۇقىق قورعاۋ ورگاندارى قىزمەتكەرلەرى جۇمىس ىستەپ جاتىر. بالالاردى جاقىن ماڭداعى ساۋدا ورتالىعىنا كوشىرگەن.
Abai.kz
