جەرگىلىكتى تۇرعىندار بولعان وقيعا جايىندا ميليتسياعا حابارلاماعان. ولار زاڭسىز ارەكەت ءۇشىن جازادان قورىققان. ء"بىز وقيعا ورنىنا كەلگەندە، قاراۋسىز قالعان شاحتادان ءبىر ادامنىڭ دەنەسى شىعارىلعان ەكەن. تاعى ۇشەۋى زارداپ شەككەن، بىراق ولار اۋرۋحاناعا بارماعان. شاحتادا بارلىعى شىعارىلعان سوڭ، ونى بۋلدوزەرمەن جاۋىپ تاستادى", - دەدى توتەنشە جاعدايلار قىزمەتكەرى.

قۇتقارىلعان ازاماتتىڭ ءبىر تۋىسىنىڭ ايتۋىنشا، شاحتادا جەر قاباتى وپىرىلىپ تۇسكەن."ولار 200-300 مەترگە سوزىلاتىن شاحتاعا تۇسكەن. جۇمىسشىلار وندا كوزدەن جاس اعىزاتىن زات شاشىپ كەتكەن. بىراق ادامدار بەتتەرىن تۇمشالاپ كىرگەن. التىن وندىرۋشىلەر كەن قازا باستاعاندا جەر قاباتى وپىرىلىپ تۇسكەن. بىرەۋلەرى سونىڭ استىندا قالسا، قالعاندارى قاشىپ شىعۋعا تالپىنعان. ەكى ادام ءولدى", - دەدى پاحتاچى اۋدانىنىڭ تۇرعىنى.دەگەنمەن جەرگىلىكتى بيلىك وكىلدەرى ەكىنشى ادام ءولدى دەگەندى راستامادى.التىن كەنىن استىرتىن تسەحتاردا جۋىپ، الىنعان باعالى مەتالدى تاشكەنتتەن كەلەتىن ادامدارعا ساتاتىن بولعان. جەرگىلىكتى بيلىك مالىمەتى بويىنشا، جۇمىسسىزداق باسىم ايماقتاعى تۇرعىنداردىڭ جارىمى التىندى زاڭسىز وندىرۋمەن شۇعىلدانادى.