اقتوبەدەگى جاعدايدان سوڭ قىرعىزستان بيلىگى اۆتوبۋستاردى تەكسەرە باستادى
قىرعىزستان بيلىگى ىشكى جانە حالىقارالىق رەيستەرگە شىعاتىن جولاۋشى اۆتوبۋستارىن تەكسەرىپ جاتىر. بۇل تۋرالى قىرعىزدىڭ جول جانە كولىك ءمينيسترى جامشيتبەك كاليلوۆ مالىمدەدى.
ونىڭ ايتۋىنشا، مۇنداي شەشىم قازاقستاندا 52 ادامنىڭ قازاسىنا الىپ كەلگەن جول اپاتىنان سوڭ قابىلدانعان. ماماندار كولىكتەردىڭ تەحنيكالىق جاعدايىن تەكسەرىپ جاتىر. تالاپتارعا ساي ەمەس كولىكتەرگە قاتىستى شارا قولدانىلادى.
18 قاڭتاردا قازاقستاننىڭ اقتوبە وبلىسىنداعى تاس جولدا وزبەكستان ازاماتتارىن قازان قالاسىنا تاسىعان اۆتوبۋس جانىپ كەتتى. 57 جولاۋشىنىڭ بەسەۋى عانا ءتىرى قالدى. اۆتوكولىكتى قولدانۋ تالاپتارىن بۇزۋعا قاتىستى قىلمىستىق ءىس قوزعالدى.
Abai.kz
