بەيسەنبى, 28 ناۋرىز 2024
4984 47 پىكىر 30 قاڭتار, 2018 ساعات 10:38

استانا "ساقال قويۋدىڭ ەرەجەسىن" انىقتاماق

ءدىن ىستەرى جانە ازاماتتىق قوعام ءمينيسترى نۇرلان ەرمەكباەۆ 29 قاڭتار كۇنى ماجىلىستە «ءدىني قىزمەت جانە ءدىني بىرلەستىكتەر تۋرالى» زاڭعا وزگەرىستەر ەنگىزۋ جوباسىن تانىستىردى. جەرگىلىكتى اگەنتتىكتەردىڭ حابارلاۋىنشا، مينيستر قازاقستاندا دەسترۋكتيۆتى ءدىني اعىمداردى انىقتاۋعا قاتىستى نورماتيۆتىك-قۇقىقتىق اكتىلەر قابىلداناتىنىن ايتتى

«زاڭعا باعىنىشتى نورماتيۆتىك-قۇقىقتىق اكتىلەر، ءتىپتى ەسكيزدەر قابىلدانادى. ءاربىر ساقالعا تىيىم سالىنبايدى، كەسكىندەرى مەن ەرەكشە سيپاتتارى ايقىندالادى. بۇل جەردە اڭگىمە كەز-كەلگەن ساقال، ءدىن قىزمەتكەرى تۋرالى بولىپ جاتقان جوق. اڭگىمە دەسترۋكتيۆتى ءدىني اعىمدى ۇستاناتىن ادامدارعا قاتىستى. مۇندا سىرتقى بەلگىلەرىمەن قاتار ولاردىڭ نە ايتاتىنى، نەنى ناسيحاتتايتىنى ءرول اتقارادى» دەدى مينيستر.

ەرمەكباەۆتىڭ سوزىنشە، دەسترۋكتيۆتى ءدىني اعىمدى قالاي اجىراتۋعا بولاتىنىن ماماندار انىقتايدى. «ساقالىنىڭ ۇزىندىعى دا، باسقا بەلگىلەرى – بارلىعى جازىلادى. ەگەر ءبىر عانا بەلگىسى بولسا، مىسالى قىسقا بالاق شالبار عانا كيىپ جۇرسە نەمەسە مۇلدەم ءدىن ۇستانباسا وعان ەشقانداي شارا قولدانىلمايدى» دەدى نۇرلان ەرمەكباەۆ.

ول سونىمەن قاتار زاڭ جوباسىندا 16 جاسقا تولماعان بالالار ءدىني قۇلشىلىق ورىندارىنا جانە قۇلشىلىق جاساۋعا اتا-اناسىمەن نەمەسە تۋىستارىمەن بىرگە عانا بارۋعا رۇقسات بەرەتىن باپ بارىن ايتتى.

Abai.kz

47 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1559
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2249
عيبىرات

قايسار رۋحتى عازيز جان

مۇحتار قۇل-مۇحاممەد 3499