ەرلىك پەن ءىسى امانات
قازاقتىڭ قارا نارى، مەملەكەت جانە قوعام قايراتكەرى زامانبەك قالابايۇلى نۇرقادىلوۆ، كوزى ءتىرى بولسا، قاڭتاردىڭ 15-ىندە 67 جاسقا تولار ەدى. قاسكويلەر قولىنان مەرت بولعان اردا ازامات تۋرالى ايتىلعان ەستەلىكتەردى «دات» جوباسى بويىنشا شىققان باسىلىمدار وقىرمانعا دەر كەزىندە جەتكىزۋگە اسىق. زاكەڭنىڭ ايتقان وتكىر سوزدەرى مەن ءماندى پىكىرلەرى ءوزى سۇيگەن قازاعى ءۇشىن ءاردايىم قۇندى. وكىنىشتىسى سول، ازامات-اعانىڭ قامقورلىعىن كورگەن، وزىمەن قىزمەتتەس بولعاندار ەستەلىك ايتۋدان قاشقاقتايدى. ەسەسىنە ەل ىشىندەگى اعايىننىڭ زاكەڭە دەگەن قۇرمەتى ەرەكشە. ازامات-اعاسىن ساعىنعان جۇرت ولەڭ جازىپ، قان جىلاعان جۇرەك جىرىن جولداۋدا.
تومەندە اردا ۇلدىڭ مەرت بولاردان ءۇش اي بۇرىنعى ماقپالعا ارناپ جازعان ولەڭى مەن ەلدەن جەتكەن ولەڭدەردىڭ ءبىر پاراسىن قاز-قالپىندا ۇسىنىپ وتىرمىز.
ماقپالعا
سەنەسىڭ بە؟
ءبىر وزىڭنەن
باسقا جاننان
ءبىر جاقسىنى كورمەپپىن..
دارىن قونعان
اسىل جانعا
ەركىندىكتى
بەرمەپپىن...
«ماحاببات بار،
جەتەدى»، - دەپ،
قولدى كوپ جىل
سەرمەپپىن...
مەن جولىڭدى
اشا الماپپىن
جىبەك جىپپەن
كەرمەپپىن....
دىرىلدەگەن
ءار ءانىڭدى
مونشاق جاساپ
تەرمەپپىن...
سەنەسىڭ بە؟
ءبىر وزىڭنەن
باسقا جانمەن
جاقسى ويۋدى
ورمەپپىن.
قايتپاس عۇمىر-
قازاقتىڭ قارا نارى، مەملەكەت جانە قوعام قايراتكەرى زامانبەك قالابايۇلى نۇرقادىلوۆ، كوزى ءتىرى بولسا، قاڭتاردىڭ 15-ىندە 67 جاسقا تولار ەدى. قاسكويلەر قولىنان مەرت بولعان اردا ازامات تۋرالى ايتىلعان ەستەلىكتەردى «دات» جوباسى بويىنشا شىققان باسىلىمدار وقىرمانعا دەر كەزىندە جەتكىزۋگە اسىق. زاكەڭنىڭ ايتقان وتكىر سوزدەرى مەن ءماندى پىكىرلەرى ءوزى سۇيگەن قازاعى ءۇشىن ءاردايىم قۇندى. وكىنىشتىسى سول، ازامات-اعانىڭ قامقورلىعىن كورگەن، وزىمەن قىزمەتتەس بولعاندار ەستەلىك ايتۋدان قاشقاقتايدى. ەسەسىنە ەل ىشىندەگى اعايىننىڭ زاكەڭە دەگەن قۇرمەتى ەرەكشە. ازامات-اعاسىن ساعىنعان جۇرت ولەڭ جازىپ، قان جىلاعان جۇرەك جىرىن جولداۋدا.
تومەندە اردا ۇلدىڭ مەرت بولاردان ءۇش اي بۇرىنعى ماقپالعا ارناپ جازعان ولەڭى مەن ەلدەن جەتكەن ولەڭدەردىڭ ءبىر پاراسىن قاز-قالپىندا ۇسىنىپ وتىرمىز.
ماقپالعا
سەنەسىڭ بە؟
ءبىر وزىڭنەن
باسقا جاننان
ءبىر جاقسىنى كورمەپپىن..
دارىن قونعان
اسىل جانعا
ەركىندىكتى
بەرمەپپىن...
«ماحاببات بار،
جەتەدى»، - دەپ،
قولدى كوپ جىل
سەرمەپپىن...
مەن جولىڭدى
اشا الماپپىن
جىبەك جىپپەن
كەرمەپپىن....
دىرىلدەگەن
ءار ءانىڭدى
مونشاق جاساپ
تەرمەپپىن...
سەنەسىڭ بە؟
ءبىر وزىڭنەن
باسقا جانمەن
جاقسى ويۋدى
ورمەپپىن.
قايتپاس عۇمىر-
نەگە سونشا،
نەگە سونشا،
نەگە سونشا
تەرلەپپىن!
زامانبەك نۇرقادىلوۆ،
26.08. 2005 جىل.
زامانبەك
نۇرقادىلوۆكە
...وياتار ار مەن سەزىمدى،
جيعىزار نامىس، ەسىڭدى.
ەلىمدى ويلاپ ەسەيدىم،
تاپتىم، راس،
دەڭگەي، شەگىمدى.
ءتۇبىرى تەرەڭ بىلىقتى،
كورگەنمەن كوزىن
شىندىقتى.
تالپىنساڭ وتكىر
سىنعا الىپ،
كورەرسىڭ تالاي سۇمدىقتى.
ءومىردىڭ كونبەي زاڭىنا،
سىنعا الساڭ ءتوردىڭ
ماڭىندا.
اينالا تولى ارسىزعا
جۋىتپاس شىندىق قامىنا.
قالدىردىم اردىڭ
باتاسىن،
بىلمەگەن ءسوزدىڭ اتاسىن.
تۇسىنبەس ءومىر-جالعاندى
تەگى مەن اتا-باباسىن.
پىكىردى ەلگە جازعانىم -
شىندىقتىڭ ءتۇبىن
قازعانىم.
سەندەرگە قيدىم
قايشىمەن،
عۇمىرىمنىڭ قالعانىن.
دەگەن ەر، العىر زامانبەك،
جالتاقتاپ تىلگە قويماي
شەك.
ەل قامى ارتىق بارىنەن:
«دۇنيە - قولدىڭ كىرى» دەپ.
ءوتتى ەر باتىل كەزىندە،
زامانبەك ەلدىڭ ەسىندە.
مىنەزى بيگە لايىقتى،
مول ەدى-اۋ ارى، تەگىندە.
تۇتقاسىن ءتوردىڭ ۇستاعان،
زامانبەك ەرگە ۇقساعان.
«مەن» دەگەن جاندى بۇگىندە،
قيىن عوي تابۋ، بۇقپاعان.
دۇنيە قۋىپ پانالاپ،
ءبىرى بوپ كوپتىڭ تاسالاپ.
جۇرگەنگە ارى شىداماي،
كەتتى عوي باتىر ازالاپ!
ءوزى ءولدى، بىراق قالدى اتى،
سۇرقيا ءومىر - بار سالتى.
قادىرىن بىلمەس التىننىڭ،
جىگىتتەر از عوي - بار زاتى.
زامانبەك - بەلدى ازامات،
بويىندا بيىك پاراسات.
قالدىرعان جولىن
ۇرپاققا،
تىرلىك پەن ءىسى امانات!
سەرىك قالىمبەتوۆ،
تاراز قالاسى
«وبششەستۆەننايا پوزيتسيا»
(پروەكت «DAT» № 01 (84) 12 قاڭتار 2011 جىل
