الماتى، 14 قاڭتار. قازتاگ - الماتى وبلىسى ۇيعىر اۋدانىنىڭ كاسىپكەرلەرى مەن تۇرعىندارى سۋ تاسقىنىنان زارداپ شەككەن شارىن اۋىلىنىڭ تۇرعىندارىنا 3 ملن تەڭگەنىڭ قايىرىمدىلىق كومەگىن كورسەتتى، دەپ حابارلادى جۇما كۇنى وبلىستىق  موبيليزاتسيالىق  دايارلىق، ازاماتتىق قورعانىس، اپاتتاردىڭ الدىن الۋ مەن جويۋدى ۇيىمداستىرۋ باسقارماسىنىڭ (ۋمپيگو) باستىعى سەرگەي سالاگاەۆ.

«بۇگىنگى كۇنى جەرگىلىكتى كاسىپكەرلەر مەن اۋدان تۇرعىندارىنىڭ قولداۋ كورسەتۋىمەن زارداپ شەككەندەرگە كومىر، وتىن، ازىق-تۇلىك، كيىم-كەشەك پەن اقشالاي جالپى سوماسى 3 ملن تەڭگەنىڭ قايىرىمدىلىق كومەگى كورسەتىلدى»، -دەپ حابارلادى س.سالاگاەۆ سۋ شارۋاشىلىعى نىساندارىنىڭ اپاتسىز جۇمىس ىستەۋىن قامتاماسىز ەتۋگە ارنالعان جۇما كۇنى بولعان كەڭەستە.

ونىڭ ايتۋىنشا، تاسقىن سۋ اۋىلدىڭ 9 كوشەسىمەن ءوتىپ، 243 اۋلانى باسىپ قالعان. 1070 تۇرعىن ءۇيدىڭ 16-سىندا عانا سۋ ىشكە ەنىپ كەتكەن.

«بۇگىنگى كۇنى زارداپ شەككەن 16 وتباسىنىڭ 11-ءى ءوز ۇيلەرىنە قايتىپ ورالدى، 1 وتباسى يەسىز تۇرعان ۇيگە ورنالاستى، 4-ءۋى ازرگە تۋىستارىنىڭ ۇيلەرىن پانالاپ وتىر، ولارعا لايىقتى باسپانا ىزدەستىرىلۋدە»، -دەدى س.سالاگاەۆ.

باسقارما باستىعىنىڭ ايتۋىنشا، زارداپ شەككەندەردىڭ بارلىعى ىستىق اسپەن، توسەك-ورىنمەن جانە مەديتسينالىق قىزمەتپەن قامتاماسىز ەتىلگەن.

الماتى، 14 قاڭتار. قازتاگ - الماتى وبلىسى ۇيعىر اۋدانىنىڭ كاسىپكەرلەرى مەن تۇرعىندارى سۋ تاسقىنىنان زارداپ شەككەن شارىن اۋىلىنىڭ تۇرعىندارىنا 3 ملن تەڭگەنىڭ قايىرىمدىلىق كومەگىن كورسەتتى، دەپ حابارلادى جۇما كۇنى وبلىستىق  موبيليزاتسيالىق  دايارلىق، ازاماتتىق قورعانىس، اپاتتاردىڭ الدىن الۋ مەن جويۋدى ۇيىمداستىرۋ باسقارماسىنىڭ (ۋمپيگو) باستىعى سەرگەي سالاگاەۆ.

«بۇگىنگى كۇنى جەرگىلىكتى كاسىپكەرلەر مەن اۋدان تۇرعىندارىنىڭ قولداۋ كورسەتۋىمەن زارداپ شەككەندەرگە كومىر، وتىن، ازىق-تۇلىك، كيىم-كەشەك پەن اقشالاي جالپى سوماسى 3 ملن تەڭگەنىڭ قايىرىمدىلىق كومەگى كورسەتىلدى»، -دەپ حابارلادى س.سالاگاەۆ سۋ شارۋاشىلىعى نىساندارىنىڭ اپاتسىز جۇمىس ىستەۋىن قامتاماسىز ەتۋگە ارنالعان جۇما كۇنى بولعان كەڭەستە.

ونىڭ ايتۋىنشا، تاسقىن سۋ اۋىلدىڭ 9 كوشەسىمەن ءوتىپ، 243 اۋلانى باسىپ قالعان. 1070 تۇرعىن ءۇيدىڭ 16-سىندا عانا سۋ ىشكە ەنىپ كەتكەن.

«بۇگىنگى كۇنى زارداپ شەككەن 16 وتباسىنىڭ 11-ءى ءوز ۇيلەرىنە قايتىپ ورالدى، 1 وتباسى يەسىز تۇرعان ۇيگە ورنالاستى، 4-ءۋى ازرگە تۋىستارىنىڭ ۇيلەرىن پانالاپ وتىر، ولارعا لايىقتى باسپانا ىزدەستىرىلۋدە»، -دەدى س.سالاگاەۆ.

باسقارما باستىعىنىڭ ايتۋىنشا، زارداپ شەككەندەردىڭ بارلىعى ىستىق اسپەن، توسەك-ورىنمەن جانە مەديتسينالىق قىزمەتپەن قامتاماسىز ەتىلگەن.

بۇدان بولەك، 142 وتباسىنا 1 ملن 136 مىڭ تەڭگەنىڭ ازىق-تۇلىگى، جىلى كيىمدەرى، اياق كيىمدەرى بەرىلگەن. «قازىرگى ۋاقىتتا اۋىلدىڭ جارتىسىنان كوبى قار مەن مۇزدان تازالانعان، سۋ تولىعىمەن سورىپ الىندى. وزەن ءوزىنىڭ ەسكى ارناسىنا ءتۇستى. ويتكەنى، اۋىلدى سۋ الۋىنا كىنالى بولعان كوپىر سالۋشىلار بۇدان بۇرىن بوگەتتى وزگە جەردەن سالىپ قويعان، ەندى سول قاتەلىكتەرىن تۇزەدى»، -دەدى س.سالاگاەۆ.

بۇدان بۇرىن حابارلانعانىنداي تاۋ وزەنىنىڭ ارناسىنان شىعىپ تاسۋىنان زارداپ شەككەن اۋىلدا بولعان الماتى وبلىسىنىڭ اكىمى سەرىك ۇمبەتوۆ سۋ تاسقىنىنان زارداپ شەككەندەرگە قاجەتتى كومەك كورسەتىلەدى دەپ مالىمدەدى.

«ارنايى قۇرىلعان كوميسسيا ءار وتباسىنا كەلگەن شىعىننىڭ دارەجەسىن انىقتايدى. اۋىلدىڭ زارداپ شەككەن ءبىر دە ءبىر تۇرعىنى كومەكسىز قالمايدى. كۇن جىلىنىسىمەن ۇيلەرىڭىزدى جوندەپ بەرەمىز، -دەپ سەندىردى س.ۇمبەتوۆ. -ەڭ باستىسى قازىر بۇل ماسەلەنىڭ اينالاسىندا ايعاي-شۋ شىعارماۋ. بارلىعى ءبىزدىڭ باقىلاۋىمىزدا تۇر». اكىم پروكۋراتۋراعا قىسقا مەرزىمنىڭ ىشىندە كوپىر سالعان قۇرىلىس ۇيىمىنىڭ قانشالىقتى كىنالى ەكەندىگى جونىندە قورىتىندى شىعارۋدى تاپسىردى. بىراق كىنالى كىم بولسا دا ارنايى قۇرىلعان كوميسسيا ءار وتباسىنداعى شەككەن زارداپ دارەجەسىن انىقتاعان سوڭ بارلىق زارداپ شەگۋشىلەرگە قاجەتتى ماتەريالدىق كومەك بەرىلەدى، دەپ حابارلادى وبلىس اكىمىنىڭ ءباسپاسوز-قىزمەتىنەن.