سەيسەنبى, 7 ءساۋىر 2020
COVID-19 قازاقستاندا. جۇقتىرعاندار — 685. جازىلعاندار — 47. قايتىس بولعاندار — 6
1857 86 پىكىر 5 ناۋرىز, 2018 ساعات 11:07

جولداۋ جارقىن جاققا جەتەلەيدى

ۇستىمىزدەگى جىلدىڭ قاڭتار ايىندا جاريالانعان ەلباسى نۇرسۇلتان ءابىشۇلى نازارباەۆتىڭ كەزەكتى جولداۋى كىم-كىمدى دە بەي-جاي قالدىرماعانى انىق. جيىرما جەتى جىلدىق تاريحى بار ەلىمىزدىڭ كۇننەن كۇنگە كوركەيۋى، حالىقتىڭ الەۋەتىنىڭ جاقسىرۋى، ەكونوميكانىڭ تۇراقتالۋى كەمەڭگەر كوشباسشىنىڭ كەمەل كەلەشەككە جەتەلەيتىن جوسپارىنىڭ، ماقساتىنىڭ ارقاسىندا. كەشە عانا ەلورداسى استانادا ەكى جۇزدەن استام ەل وكىلدەرىنىڭ باسىن بىرىكتىرگەن «ەكسپو-2017» كورمەسى وسىعان دالەل.

ارينە تىڭدالماعان ءسوز جەتىم، قولداۋى بولماعان باسشى جەتىم. بۇل جەتىستىستىك ءدۇيىم جۇرتتىكى، جابىلا كوتەرگەن جۇكتىڭ جەڭىل كەلەتىنى دە بار. سول سەكىلدى اۋىزبىرشىلىگى مول حالىقتىڭ مۇنداي بيىككە كوتەرىلىپ، كوككە سامعاماۋى مۇمكىن ەمەس. بۇل وسى ۋاقىتقا دەيىن اتقارىلعان ءىستىڭ جەمىسى دەپ بىلەمىز. الدا ءبىزدى، قازاقستاندىقتاردى، تاعى ءبىر ماڭىزدى ماسەلە كۇتىپ تۇر. ول - ەلباسى تاپسىرماسى، ەلىمىزدىڭ وركەندەۋ جوسپارى، ياعني جولداۋداعى قوزعالعان ماسەلەنىڭ ىسكە اسۋىنا ءاربىر ازامات ءوز ۇلەسىن قوسقانى ابزال.

بيىلعى جولداۋ ءتورتىنشى ونەركاسىپتىك رەۆوليۋتسيا الەمىنە بەيىمدەلۋدى تالاپ ەتەدى. اتاپ ايتقاندا، الدىمەن يندۋستريالاندىرۋ مەن جاڭا تەحنولوگيانى پايدالانۋدىڭ كوشباسشىسىنا اينالۋ كەرەكتىگى ءسوز بولدى. ءوندىرىس ورىندارىندا زاماناۋي تەحنولوگيالاردى ورناتۋ ارقىلى از شىعىنمەن كوپ ءونىم شىعارۋعا بولادى. ەكىنشى كەزەكتە تابيعي قۋات كوزىن ءتيىمدى پايدالانۋ كەرەكتىگى، ءۇشىنشى ورىندا اگروونەركاسىپ سالاسىن قايتا قولعا الۋ ماسەلەسى قارالدى. سونداي-اق ەلباسى جولداۋدا ءبىلىم بەرۋ سالاسىنىڭ ساپاسىن ارتتىرۋ قاجەتتىگىنە جىل سايىنعىداي ەرەكشە دەن قويدى. الپاۋىت ەلدەرمەن قاتار تۇرىپ، دامىعان مەملەكەتتەرمەن تەرەزەمىز تەڭ بولۋى ءۇشىن بۇل زاماندا تەك بىلىممەن جارىسا الامىز. ءوز تاراپىمىزدان باسەكەگە قابىلەتتى بالا تاربيەلەپ، جاڭا تەحنولوگيامەن جابدىقتالعان عيماراتتا جاڭاشا باعىتتا ءبىلىم ءنارىن بالا بويىنا ءسىڭىرىپ جاتقاندىعىمىز قۋانتادى.

«ءبىلىمدى مىڭدى جىعاتىنى» تەحنيكا مەن تەحنولوگيا زامانىندا قايتا دالەلدەنىپ جاتىر. ءبىز وسكەلەڭ ۇرپاقتى، ەلدىڭ ەرتەڭى جاستاردى ەرىنبەي ەڭبەكتەنۋگە، ءبىلىم الۋ جولىندا ايانباي تەر توگۋگە شاقىرامىز. وسى ورايدا ۇستازداردىڭ ابىرويىن كوتەرىپ، ەڭبەگىنىڭ ەلەنۋىنە، وقۋشى، قوعام الدىندا مۇعالىم ۇستەمدىگىن ارتتىرۋدى ناسيحاتتايمىز. ەلباسىنىڭ اقپاراتتىق تەحنولوگيا سالاسىنداعى ماماندار سانىن كوبەيتۋ كەرەكتىگىنە توقتالعانى، بۇگىنگىنىڭ جاس IT ماماندارىنا قۋانىش سىيلاعانى راس. قيىندىعى مەن جەڭىسى قاتار جۇرەتىن بۇل مامان يەلەرىنە ءبىز دە مول سەنىممەن قارايمىز.

ال ەلباسىنىڭ جولداۋىن بارلىعىمىز ءبىراۋىزدان قولداپ، وزىمىزگە تيەسىلى ساتتەرىن قالت جىبەرمەي، ورىندايتىنىمىزدى جەتكىزگىم كەلەدى.

گۇلنۇر ەرەجەپقىزى

№ 10 ء"بىلىم-يننوۆاتسيا" ليتسەي-ينتەرناتىنىڭ ديرەكتورى

قىزىلوردا قالاسى

Abai.kz

86 پىكىر