ەلباسى ەلىمىزدە ستۋدەنتتەر جاتاقحاناسى تاپشىلىعىن جويۋدى تاپسىردى. بۇل تۋرالى ول استانادا ءوتىپ جاتقان قازاقستان پارلامەنتى پالاتالارىنىڭ بىرىككەن وتىرىسىندا مالىمدەدى.

"الەمدىك ستاندارتتار بويىنشا ءبىلىم الۋ جۇيەسىن قۇرۋدا بىزگە وقۋ جاعدايىنا، ستۋدەنتتەردىڭ تۇرعىن ورنىنا نازار اۋدارۋ قاجەت. وزدەرىڭىز بىلەسىزدەر، شەتتەردەن كەلەتىندەر قالانىڭ شەتىندەگى ەسكى عيماراتتاردى جالداپ، سودان زارداپ شەگىپ جاتادى. مۇندايدا، ارينە، ساپالى ءبىلىم الۋ تۋرالى ايتۋدىڭ دا قاجەتى جوق. بۇگىندە ستۋدەنتتەردى جاتاقحانامەن قامتاماسىز ەتۋ ماسەلەسى كوتەرىلىپ وتىر. بۇل مىندەتتى شەشۋ ءۇشىن جوو-لار، كوللەدجدەر جانە دەۆەلوپەر-كومپانيالار مەملەكەتتىك-جەكەمەنشىك سەرىكتەستىك ءپرينتسيپى بويىنشا جااقحانا قۇرىلىسىن باستاۋى قاجەت", - دەدى ەلباسى.

سونىمەن قاتار، نازارباەۆ مەملەكەت ءوز تاراپىنان ءبىلىم جانە عىلىم مينيسترلىگى ارقىلى ينۆەستيتسيانىڭ ءبىر بولىگى جاتاقحانا قۇرىلىسىنا بولىنۋىنە كەپىل بولاتىنىن مالىمدەدى.

"2022 جىلدىڭ سوڭىنا دەيىن 75 مىڭ ورىندىق جاڭا ستۋدەنتتىك جاتاقحانالار. بۇل الداعى جىلدارداعى تۇتىنۋ مولشەرى كوبەيۋىن ەسەپكە العاننىڭ وزىندە ماسەلەنى تولىقتاي شەشۋگە مۇمكىندىك بەرەدى", - دەدى قر پرەزيدەنتى.

Abai.kz