جەكسەنبى, 24 ماۋسىم 2018
ينتەللەكتۋالدى ميگراتسيا 2497 19 پىكىر 9 ناۋرىز, 2018 ساعات 11:16

جاستاردىڭ رەسەيگە، ودان اسىپ الىس شەتەلگە كەتەرى انىق!

رەسەي پرەزيدەنتى پۋتين شەتەلدىك تالانتتى جاستاردى وقۋعا شاقىردى. وقۋ بىتىرگەن سوڭ جەڭىلدەتىلگەن تۇردە ازاماتتىق بەرۋ تۋرالى ايتتى.

ەگەر قازاقستان:

1. ءبىلىم بەرۋ سالاسىندا كوررۋپتسيانى تولىق جويماسا،

2. عىلىمدى دامىتۋدىڭ ورنىنا عىلىمدى ءۇش تىلگە كوشىرۋ دەگەن جالعان ماسەلەمەن اينالىسۋدى توقتاتپاسا،

3.باعاسى فانتاستيكالىق دەڭگەيگە جەتكەن، شىن مانىسىندە تەك كوررۋپتسيانى كۇشەيتۋشى اقىلى وقۋدىڭ باعاسىن تۇرعىنداردىڭ تابىسىنا لايىقتاماسا، ونداي وقۋ ءتۇرىن قارقىندى جويۋعا كىرىسپەسە،

4. شيماي-شاتپاق وقۋلىقتاردى تۇسىنىكتى تىلمەن قايتا جازىپ شىقپاسا،

5. ەلدەگى مەكتەپتەن باستاپ جوو دەيىن عىلىمعا قارسى تۇساۋ بولا باستاعان ء"دىن موداسىنا" توسقاۋىل قويا الماسا،

6.وقۋ بىتىرگەن جاستار ءۇشىن جۇمىسقا تۇرۋدا ادىلەتتى كونكۋرستى قامتاماسىز ەتپەي، تامىر-تانىستىق پەن پارانى بۇعاۋلاي الماسا،

7.قىزمەت ءوسۋى بارىسىندا مەكتەپ ديرەكتورلارىنان باستاپ وزگە باستىقتاردىڭ ءبىر ورىندا ولە-ولگەنىنشە وتىرۋىن توقتاتپاسا،

8. عىلىم گرانتتارىنا جالعان ەسەپ بەرۋدى دوعارماسا

9.عىلىم جاڭالىعىنا سۇرانىسى كوپ كاسىپورىنداردى تەز ارادا دامىتپاسا جانە ت.ت. ونداعان ماسەلەلەر - مەكتەپتەگى تەگىن تاماق، تەگىن مەكتەپ فورماسى، تەگىن قوسىمشا ساباق جانە جوو ت.ب. ماسەلەلەرىن ۇلتتىق دامۋ مۇددەسىنە ساي شەشە الماسا - قازاقستان جاستارىنىڭ رەسەيگە، ودان اسىپ الىس شەتەلدەرگە كەتەتىندەرى انىق! مۇنى شەشۋ جۇيەلى بولماسا، قازىرگى مۋلتيپلاتيۆتىك ۋرالاۋ ءتۇبى تىعىرىققا تىعادى! مەن جاستارعا سەنەمىن! ال جاستار كىمگە سەنەدى؟ بۇگىنگى كۇننىڭ سۇراعى وسى!

ءابدىراشيت باكىرۇلى

Abai.kz

19 پىكىر