استانا. 20 قاڭتار. قازتاگ – ەلەنا پرەوبراجەنسكايا.  قر پرەمەر-ءمينيسترى كارىم ءماسىموۆ اۋىل شارۋاشىلىق مينيسترلىگىنە (اشم) اعىمداعى جىلى ەلدەگى ازىق-تۇلىك قاۋىپسىزدىگىن ەرەكشە نازاردا ۇستاۋدى تاپسىردى.

«وكىنىشكە قاراي، بارلىق بولجام بويىنشا، 2011-شى جانە الداعى ەكى-ءۇش جىلدا ازىق-تۇلىك باعاسىنىڭ تۇراقسىزدىعى مەن ازىق-تۇلىك جەتىسپەۋشىلىگى بايقالۋى مۇمكىن»، - دەدى ك. ءماسىموۆ بەيسەنبى كۇنى اشم كوللەگياسىنىڭ وتىرىسى بارىسىندا.

وسىعان بايلانىستى ول مينيسترلىك باسشىلىعىنا ەلدەگى ازىق-تۇلىك قاۋىپسىزدىگىن ەرەكشە نازاردا ۇستاۋدى تاپسىردى. «ازىق-تۇلىكتىك قاۋىپسىزدىك ماسەلەسى الدا سىننان وتەدى»، - دەپ اتاپ كورسەتتى ول.

«بىرىنشىدەن، ەلىمىزدىڭ ىشكى نارىعى مەيلىنشە ازىق-تۇلىكپەن قامتاماسىز ەتىلۋى ءتيىس»، - دەپ نۇسقاۋ بەردى ۇكىمەت باسشىسى.

ول، ۇكىمەت پەن بارلىق مەملەكەتتىك ورگاندار بيىل ازىق-تۇلىك باعاسىنىڭ تۇراقتىلىعىن قامتاماسىز ەتۋ ءۇشىن بارلىق كەشەندى شارالاردى، ونىڭ ىشىندە تەك قانا نارىقتىق رەتتەۋدى عانا ەمەس، بارلىق شارالداردى قولدانۋى ءتيىس ەكەنىن اتاپ ءوتتى.

ك. ءماسىموۆ اشم باسشىلىعىن قازاقستاننىڭ ىشكى نارىعىندا قاڭتار ايىندا ازىق-تۇلىك باعاسىنىڭ كوتەرىلۋى بايقالاتىنىنا نازار اۋداردى.

«سىزدەر بۇل ماسەلەگە وبلىستار بويىنشا مۇقيات قاداعالاۋلارىڭىز كەرەك. نەگىزگى ازىق-تۇلىككە دەگەن قول جەتەرلىك باعانى ءبىز حالىققا قامتاماسىز ەتۋىمىز كەرەك»، - دەدى ول اشم باسشىسى اقىلبەك كۇرىشباەۆقا قاراتىپ.

ك. ءماسىموۆ باعا تارتىمدىلىعى سەبەپتى بارلىق ازىق-تۇلىك قازاقستاننان تىس جاققا كەتپەۋىن دە قاداعالاپ وتىرۋدى تاپسىردى.

«جۇيەنى ەكسپورت پەن ىشكى نارىقتاعى تەپە-تەڭدىك بولاتىنداي ەتىپ رەتتەۋ كەرەك»، - دەپ قورىتىندىلادى ۇكىمەت باسشىسى.