استانا. 21 قاڭتار. قازتاگ – ايگۇل تۇلەكباەۆا. 2012-ءشى جىلدىڭ 1-ءشى قاڭتارىنان باستاپ كينوپروكاتشىلار فيلمدەردى مەملەكەتتىك تىلدە دۋبلياجداۋى ءتيىس، دەپ قر مادەنيەت مينيسترلىگىنىڭ جاۋاپتى حاتشىسى جاننا قۇرمانعاليەۆا ەسكە سالدى.

«مادەنيەت تۋرالى» زاڭعا ساي، فيلمدەردىڭ مەملەكەتتىك تىلدەگى دۋبلياجى 2012-ءشى جىلعى 1-ءشى قاڭتاردان باستاپ جۇرگىزىلەتىن بولادى»، - دەدى ج. قۇرمانعاليەۆا جۇما كۇنگى مادەنيەت مينيسترلىگىنىڭ كوللەگيا وتىرىسىندا.

ونىڭ ايتۋىنشا، بۇگىنگە فيلمدەرگە دۋبلياج جاساۋ قىزمەتىن تەك قانا «قازاقفيلم» كومپانياسى عانا ەمەس، سونىمەن قاتار كوپتەگەن تەلەكورسەتىلىم كوماپانيالارى دا كورسەتە الادى.

«الەۋمەتتىك-ماڭىزدى ونىمدەردىڭ دۋبلياجىن، ايتالىق، بالالارعا ارنالعان فيلمدەردى، مەملەكەت قارجىلاندىرادى دەپ بولجانۋدا»، - دەپ ۆەدومستۆو جاۋاپتى حاتشىسى ءمالىم ەتتى.

«كوممەرتسيالىق كاسىپورىندارعا، مىسالى، گولليۆۋد شىتىرماندى فيلمدەرىن، نەمەسە باسقا ونىمدەرىن اۋدارۋعا ... ايتالىق ءسىز، سالىق تولەۋشى رەتىندە، دايىنسىز با؟ مەن دايىنسىز دەپ ويلامايمىن»، - دەدى ول.

ج. قۇرمانعاليەۆانىڭ ايتۋىنشا، بەينەونىمدەرىن قازاقشاعا اۋدارۋ كەلەشەكتە ءتيىمدى بيزنەس ءتۇرى بولماقشى.

«العاشقىدا، قانداي دا جاڭالىق ەنگىزىلەردە، ول نورما جۇمىس ىستەمەي قالار ما ەكەن، ول جاعدايدى كۇردەلەندىرەدى ت.ب. دەگەن جۇرەكسىنۋ ءار كەز بولادى...  7-8 جىل بۇرىن زاڭ جۇزىندە شەتەلدىك ارنالاردىڭ رەترانسلياتسياسىن قىسقارتقاندا دا بارلىق ارنالار قيرايدى، ءبىر كۇن دە ءومىر سۇرە المايدى دەپ، ءبارى دە ايتقان بولاتىن. ءوز ونىمدەرىڭىزدى جاساپ، ەفيردى تولتىرىڭىزدار»، - دەدى ج. قۇرمانعاليەۆا. ونىڭ ايتۋىنشا، مەملەكەتتىك تىلدە حابار تاراتۋدى 50%-عا دەيىن كوتەرگەندە دە وسىلاي دەگەن اڭگىمەلەر بولعان.