ەلىمىزدە اكەلەرگە ارنالعان قازاق تىلىندەگى Talbesik.kz العاشقى تانىمدىق-تاربيەلىك سايتى اشىلدى، دەپ حابارلايدى اباي-اقپارات.

جوبا جەتەكشىسى ازامات بيتاننىڭ ايتۋىنشا، قازىرگى قازاق قوعامى ءۇشىن وسى باعىتتاعى جۇمىستاردىڭ قاجەتتىلىگى وتە جوعارى.

«بۇل ەڭ الدىمەن وزىمە دەگەن قاجەتتىلىكتەن تۋعان دۇنيە. قوعامدىق جۇمىس دەپ الايىقشى. كوپتەن ويدا جۇرگەن شارۋا. العاشقىدا بايقاپ كورەمىن. ەگەر سايتتاعى ماتەريالدار كوپشىلىك تاراپىنان جاقسى قابىلدانسا، ارى قاراي جالعاستىرامىن. ءبىز ادەتتە «دامىعان مەملەكەتتەر» دەگەندى ءجيى ايتامىز. سول دامىعان مەملەكەتتەرىڭىز قازىر اتا-انا، بالا تاربيەسىنە، جالپى وتباسى تاقىرىپتارىنا ەرەكشە كوڭىل ءبولىپ وتىر. وسى باعىتتاعى ءىس-شارالارعا قارايعان قاراجات قاراستىرعان. ول بەكەر ەمەس. سەبەبى شاڭىراق شايقالماسا، وتباسىندا سۇيىسپەنشىلىك پەن تۇسىنىستىك، جاقىن جانداردىڭ اراسىندا جاناشىرلىق بولسا عانا سول اۋلەت كوپكە ۇلگى بولماق. ۇلتتىق كود، قازاقتىڭ جادىسى دەپ ءجۇرمىز. سونىڭ بارلىعى وتباسى، وشاق باسىنان باستاۋ الادى. مىنەكي، وسى باعىتتا جۇمىستانامىن. اسىرەسە الاش ارداقتىلارىنىڭ شىعارمالارىنا باسا نازار اۋدارامىن»، - دەيدى جوبا اۆتورى ازامات بيتان.

اتالمىش سايت الاشتىڭ ءالديى، پەداگوگيكا، پسيحولوگيا، ءتىلاشار جانە الاڭ اتتى بارلىعى 5 ايداردان تۇرادى. سونداي-اق، اكە مەن بالا تاقىرىبىن قامتيتىن «اكەمەن اڭگىمە» اتتى ارنايى جوبا باستاۋ العان. اڭگىمە بارىسىندا قوعام قايراتكەرلەرى مەن پەداگوگتار، ءار سالادا بەلگىلى ءبىر جەتىستىكتەرگە قول جەتكىزگەن تانىمال تۇلعالار وتباسى ماسەلەسىندە ءوز تاجىريبەلەرىمەن ءبولىسىپ، شەشىمى قيىن ساۋالدارعا جاۋاپ بەرەدى.

Abai.kz