سەنبى, 18 تامىز 2018
522 0 پىكىر 16 ءساۋىر, 2018 ساعات 08:53

سامارقاندا تاجىك تىلىندە وقىتاتىن مەكتەپ سالادى

تاجىكستان بيلىگى سامارقاندا 640 وقۋشىعا ارنالعان تاجىك تىلىندە ءدارىس بەرەتىن مەكتەپ سالادى. ءتيىستى كەلىسىمگە ناۋرىز ايىنداعى ەكى ەل باسشىلارىنىڭ كەزدەسۋىندە قول قويىلعان.

قۇجاتقا سايكەس، وزبەك تارابى مەكتەپ قۇرىلىسىنا جەر بولەدى ءارى قۇرىلىس الاڭىندا تاجىك جۇمىسشىلارىنىڭ قاۋىپسىزدىگىن قامتاماسىز ەتەدى. سونىمەن بىرگە قۇرىلىس كومپانياسىن كەدەن سالىعىنان بوساتادى.

قۇرىلىس اياقتالعان سوڭ، عيمارات سامارقان اكىمشىلىگىنە تاپسىرىلادى. ​وزبەكستاندا تاجىك دياسپوراسى نەگىزىنەن بۇحارا، سامارقان، نامانگان، سۇرحانداريا جانە باسقا ايماقتاردا تۇرادى. رەسمي ستاتيستيكا بويىنشا، سوۆەت زامانىندا وزبەكستاندا 380 تاجىك تىلىندە وقىتىلاتىن مەكتەپ بولعان. بىراق سوڭعى 25 جىلدا ەداۋىر قىسقاردى.

جىل باسىندا تاجىك دياسپوراسى تۇراتىن ايماقتىڭ تۇرعىندارى مۇعالىم جەتىسپەيتىندىگىن ايتىپ، تاجىكستان جانە وزبەكستان پرەزيدەنتتەرىنە حات جازعان.

Abai.kz

0 پىكىر