"جاس كەلسە - ىسكە" دەگەن ءسوزدىڭ شىندىعىن دالەلدەپ جۇرگەن اتقارۋشى بيلىكتەگى ازاماتتىڭ ءبىرى جاس مينيستر داۋرەن اباەۆ. ول جۋىردا رەسەيدىڭ تەلەارنالارىنداعى ساسىق كەۋدە سايراۋىقتاردىڭ ءبىرى تۋرالى "ەش قىمسىنباستان": "مەن ونداي ءجۋرناليستى بىلمەيمىن", - دەپ سالدى. توقتاڭىز، وسىمەن ءبىزدىڭ نە ايتقىمىز كەلەدى؟ ءبىزدىڭ ايتپاعىمىز: جاس مينيستر ءوز باسقارۋىنداعى ۆەدموستۆانىڭ قات-قابات جۇمىسىن عانا ەمەس، اقپارات مايدانىندا ۇلت، مەملەكەت ءۇشىن كۇرەستىڭ ايلا-ءادىسىن دە جاقسى بىلەدى. ءيا، ول راسىندا مەملەكەتشىل تۇلعا. ىلكىدە وسى ءمينيسترمىز قازاقستاننىڭ شەكارالىق اۋماعىندا ەركىن تاراپ، كرەملدىڭ يدەولوگيالىق - ساياساتىن تاراتۋدان تانباي وتىرعان رەسەي ارنالارىنىڭ قىزمەتىنە شەكتەۋ قويۋعا بولاتىندىعىن دا اشىق ايتتى. اقپارات جəنە كوممۋنيكاتسيالار ءمينيسترىنىڭ الگى ءسوزى بيلىكتەگىلەردى بىرازعا دەيىن ابدىراتىپ تاستاعان-دى. ءمينيستردىڭ بۇل باستاماسىن سىنعا العاندار دا تابىلدى. الايدا، اباەۆ سوزىنەن قايتىپ، جاعىمنان جاڭىلىپپىن دەگەن جوق. ەندەشە الداعى كۇندەرى ورىس ءشوۆينيزمىنىڭ وتىن كوسەپ وتىرعان رەسەي تەلارنالارى شەتىنەن كورسەتپەي قالىپ ءام كوزىمىزدەن "بۇل-بۇل ۇشىپ جاتسا", وعان، ءسىرا دا تاڭ قالا قويماسپىز. ءمينيستردىڭ ءار قادامى "اbai.kz" پورتالىندا تۇراقتى جازىلىپ كەلەدى. سوندىقتان ونىڭ ءبارىن قايتالاپ ۋاقىتتى سارپ ەتپەي-اق قويالىق. بالكىم، رەتى كەلسە، سول وتكەن كەتكەندى ەلدىڭ ەسىنە سالىپ، شولۋ ماقالاعا ورالارمىز. ال بۇگىنگى اقجولتاي جاڭالىعىمىز بىلاي بولىپ تۇر. بىزدەگى بيلىك ورىندارىنان الدەبىر ماسەلەنىڭ ءمان-جايىن دەر كەزىندە ءبىلىپ، انىقتاۋ، جاريالاۋ قيىننىڭ قيىنى. سوندىقتان بولار قازاق قوعامىندا ەكىۇشتى اقپار، ۇزىنقۇلاقتىڭ اڭگىمەسى الدىمەن تارايدى. ەكىۇشتى اقپار مەن ۇزىنقۇلاقتىڭ اڭگىمەسى اقىرىندا دەزينفورماتسياعا ۇلاسادى. ءسويتىپ ءباسپاسوز تاياق جەيدى، سول دەزينفورماتسيانىڭ تاراۋىنا سالقىنىن تيگىزگەن بيلىكتەگى اتىنان ات ۇركەتىن تۇلعا دا كوپتىڭ سىباۋىنان قاعىس قالمايدى. بۇدان سوندا كىم ۇتادى؟ ارينە، ەشكىم دە ۇتپايدى. ىسكە جاۋاپتى، لاۋازىمدى ورىنداردىڭ مەيىلىنشە جابىق بولۋى جۋرناليستەردىڭ قىزمەتىن كۇردەلەندىرىپ قانا قويماي، جالپى قوعامعا زيانىن تيگىزىپ جاتادى. بۇنى قازاق "كەرباققان" دەيدى. سول كەرباققانداردىڭ بەتىن  اقپارات جəنە كوممۋنيكاتسيالار ءمينيسترى بەرى باقتىرىپ، تۋرالاي ايتساق، بەتتەرىن بەرى بۇرىپ، باق-قا قاتىستى تاعى ءبىر يگىلىكتى ءىستى ناقتىلادى. ەندى رەسمي اقپاراتقا جۇگىنەيىك:

قر اقپارات جəنە كوممۋنيكاتسيالار ءمينيسترى داۋرەن اباەۆ ءوزىنىڭ بۇيرىعىمەن باق-پەن ءوزارا ءىس-قيمىل جاساۋ جونىندەگى ۋاكىلەتتى تۇلعا (بولىمشە) تۋرالى ۇلگىلىك ەرەجەنى بەكىتتى دەپ، حابارلايدى قازاقپارات ءتىلشىسى. اتالعان قۇجات «ەگەمەن قازاقستان» گازەتىندە جاريالاندى. وندا ءباسپاسوز حاتشىسىنىڭ نەمەسە ءباسپاسوز قىزمەتىنىڭ ماقساتى، فۋنكتسيالارى، قۇقىقتارى مەن مىندەتتەرى قامتىلعان. بۇيرىقتا ءباسپاسوز حاتشىسى پايدالانۋشىلارعا مەملەكەتتىك ورگاننىڭ قۇزىرەتىنە، سونداي-اق ونىڭ قىزمەتىنە جاتاتىن مəسەلەلەر بويىنشا انىق جəنە قاجەتتى اقپارات بەرەتىنى، باق-قا سۇحباتتار، تۇسىندىرمەلەر، جاريالانىمدار əزىرلەۋگە جəردەمدەسەتىنى، جۋرناليستەردى ۋاقىتشا نەمەسە تۇراقتى اككرەديتتەۋدەن وتكىزەتىنى، سونداي-اق ولارعا مەملەكەتتىك ورگاننىڭ قۇزىرەتىنە جاتاتىن مəسەلەلەر بويىنشا اقپاراتتى نەعۇرلىم تولىق جəنە كەڭىنەن تاراتۋ ءۇشىن كومەكتەسكەنى اتالىپ وتكەن. ءباسپاسوز حاتشىسى نەمەسە ءباسپاسوز قىزمەتى لاۋازىمدى ادامداردىڭ باق وكىلدەرىمەن ءباسپاسوز كونفەرەنتسيالارىن، بريفينگتەرىن، سۇحباتتارى مەن كەزدەسۋلەرىن ۇيىمداستىرادى. سونىمەن قاتار ولار ينتەرنەت-رەسۋرستىڭ قىزمەتىن جاڭعىرتۋ جəنە جاڭا تەحنولوگيالاردى ەنگىزۋ مəسەلەلەرى بويىنشا ۇسىنىستاردى əزىرلەۋى ءتيىس. مۇنىمەن قوسا، ءباسپاسوز حاتشىلارى اقپاراتتاردى پايدالانۋشىلاردان كەلىپ تۇسەتىن ساۋالدارعا ۋاقتىلى جاۋاپتار دايىنداۋى قاجەت. سونداي-اق، ءباسپاسوز حاتشىسى پايدالانۋشىلاردان كەلىپ تۇسكەن ساۋالدارعا جاۋاپ بەرۋ ءۇشىن قاجەتتى اقپاراتتى قۇرىلىمدىق بولىمشەلەردەن سۇراتۋعا، ينتەرنەت-رەسۋرستىڭ قىزمەتىن تەحنيكالىق قامتاماسىز ەتۋ ماقساتىندا اقپاراتتاندىرۋ سالاسىنداعى ساراپشىلاردى تارتۋعا، بىلىكتىلىكتى ارتتىرۋ كۋرستارىنان وتۋگە قۇقىلى. بۇدان بولەك، باق-پەن ءوزارا ءىس-قيمىل جاساۋ جونىندەگى ۋəكىلەتتى تۇلعا مەدياكەڭىستىكتە قوعامنىڭ تەرىس پىكىرىنە əكەلەتىن اقپارات انىقتالعان جاعدايدا مەملەكەتتىك ورگاننىڭ ءبىرىنشى باسشىسىن ۋاقىتىندا حاباردار ەتۋگە مىندەتتى.

Abai.kz