سەنبى, 18 تامىز 2018
597 0 پىكىر 17 مامىر, 2018 ساعات 09:38

وزبەكستان مەن اقش بىرقاتار ءىرى كەلىسىمدەر قابىلدادى

وزبەكستان پرەزيدەنتى شاۆكات ميرزياەۆتىڭ اقش-قا العاشقى ساپارى بارىسىندا بىرقاتار ماڭىزدى قۇجاتتارعا قول قويىلدى.

وزبەك كومپانيالارى 15 مامىردا "White&Case" كومپانياسىنىڭ كەڭسەسىندە امەريكالىقتارمەن ارىپتەستىكتىڭ ءتۇرلى سالالارى بويىنشا - گاز جانە مەتالل ساۋداسى، زاڭ، ەلەكترلەندىرۋ، قۇرىلىس جانە ساۋداعا قاتىستى كەلىسىمدەر قابىلدادى.

"وزبەكەنەرگو" اكتسيونەرلىك قوعامى "General Electric Gas Power Services" كومپانياسىمەن تاشكەنت جەس-ىنە ورناتىلاتىن تەحنولوگيانى تاڭداۋعا كەلىستى. "جيزاك پەتروليۋم" وزبەك كومپانياسى امەريكالىق "Honeywell UOP" كومپانياسىمەن جيزاق وبلىسىندا عىلىمي-ءوندىرىستىڭ كلاستار قۇرىلىسى جوباسىن جۇزەگە اسىرۋ تۋرالى كەلىسىم قابىلدادى.

"Uz – AmericanTrade" ساۋدا ءۇيى "Golden Natural Group" كومپانياسىمەن وزبەك جەمىستەرى مەن كوكونىستەرىن ەكسپورتتاۋعا كەلىستى.

ەسكە سالايىق، سارسەنبى كۇنى تاڭەرتەڭ ۆاشينگتونعا وزبەكستان پرەزيدەنتى شاۆكات ميرزياەۆ رەسمي ساپارمەن كەلدى. ول اقش پرەزيدەنتى دونالد ترامپپەن كەلىسسوزدەر جۇرگىزەدى. تاراپتار ءتورت ميلليارد دوللاردىڭ كەلىسىمدەرىنە قول قويۋى مۇمكىن.

Abai.kz

0 پىكىر