بۇگىن تاڭەرتەڭ ۇكىمەت ۇيىندە قر پرەمەر-ءمينيسترى باقىتجان ساعىنتاەۆ قازاقستان ەلورداسىنا ءحى استانا ەكونوميكالىق فورۋمىنا قاتىسۋ ءۇشىن كەلگەن «ياندەكس» كومپانيالار توبىنىڭ تەڭ نەگىزىن سالۋشى جانە باسشىسى اركادي ۆولوجبەن كەزدەسۋ وتكىزدى. بۇل تۋرالى پرەمەر-ءمينستردىڭ ءباسپاسوز قىزمەتى حابارلادى.

كەزدەسۋ بارىسىندا «تسيفرلىق قازاقستان» مەملەكەتتىك باعدارلاماسى اياسىندا كومپانيامەن ىنتىماقتاستىقتى دامىتۋ ماسەلەلەرى جانە ءتورتىنشى ونەركاسىپتىك رەۆوليۋتسيا جاعدايىندا تەحنولوگيالاردى دامىتۋدىڭ جاڭا مۇمكىندىكتەرى تالقىلاندى.

انىقتاما: اركادي ۆولوج — ي. م. گۋبكين اتىنداعى رەسەي مۇناي جانە گاز ينستيتۋتىنىڭ تۇلەگى. Comptek جەلىلىك جانە تەلەكوممۋنيكاتسيالىق جابدىقتاردى ساتۋ كومپانياسىنىڭ نەگىزىن قالاۋشى.

رەسەيلىك قۇجاتتىق ەلەكتر بايلانىسى قاۋىمداستىعىنىڭ سىمسىز بايلانىس جەلىلەرى كوميتەتىنىڭ باسشىسى رەتىندە ول سىمسىز بايلانىس وپەراتورلارىنا جيىلىكتەردى رەتتەۋ پروتسەسىنە قاتىستى. ول مفتي يننوۆاتسيالار جانە جوعارى تەحنولوگيالار فاكۋلتەتىندە «دەرەكتەردى تالداۋ» كافەدراسىنىڭ مەڭگەرۋشىسى. «ياندەكس» كومپانيالار توبىنىڭ تەڭ نەگىزىن سالۋشى جانە باسشىسى (اكتسيالار پاكەتىنىڭ 11,82% يە).

Abai.kz