بەيسەنبى, 28 ناۋرىز 2024
3123 0 پىكىر 21 مامىر, 2018 ساعات 15:05

«نۇر وتان» كاسىپكەرلەرگە ارنالعان ونلاين قىزمەت ءتۇرىن جەتىلدىرە تۇسپەك

«نۇر وتان» پارتياسى شاعىن جانە ورتا بيزنەستى قولداۋ ماقساتىندا كاسىپكەرلەرگە ارنالعان بىرىڭعاي گەواقپاراتتىق ونلاين قىزمەت ۇسىناتىن پورتال قۇرۋدى قولعا الدى. بۇگىندە اتالعان جوبا قىزىلوردا وبلىسىندا قارقىندى جۇزەگە اسىرىلۋدا.

بۇل باستامانىڭ باستى ماقساتى – بيزنەس سالاسىنداعى مەملەكەتتىك قىزمەتتەردى ەلەكتروندى فورماتقا كوشىرۋ، دامىعان ەلدەردىڭ ەڭ ۇزدىك ۇلگىلەرىن ەنگىزۋ جانە بيزنەستەگى شىعىنداردى ازايتۋ. ناتيجەسىندە كاسىپكەرلەردىڭ ەلىمىز بويىنشا كوممەرتسيالىق ماقساتتاعى جەر تەلىمدەرى مەن اۋكتسيوندار تۋرالى تولىق مالىمەت الۋىنا، بيزنەس جۇرگىزۋدىڭ بىرىڭعاي ستاندارتىن ەنگىزۋگە جانە ەلەكتروندى ۇكىمەت جۇمىسىن جانداندىرۋعا مۇمكىندىك تۋماق.

اتالعان پارتيالىق جوبانىڭ مەملەكەتتىك-جەكەمەنشىك ارىپتەستىكتىڭ تيىمدىلىگىن ارتتىرۋعا ۇلكەن ۇلەس قوساتىنىن ايتقان قىزىلوردا وبلىسى اكىمىنىڭ ورىنباسارى ەۆگەني كيم بۇل باعىتتا سىر وڭىرىندە كوڭىل قۋانتارلىق ىستەر كوپ ەكەنىنە نازار اۋداردى.

– مۇنداي باستاما قازىردىڭ وزىندە قىزىلوردا وبلىسىندا ءساتتى جۇزەگە اسىرىلۋدا. ياعني، بۇگىندە ءبىزدىڭ ءوڭىردىڭ كاسىپكەرلەرى وبلىس بويىنشا گەواقپاراتتىق ونلاين قىزمەت كورسەتەتىن جۇيەنى پايدالانادى. جۇيە ىسكە قوسىلعالى بەرى كاسىپكەرلەردىڭ قۇجات جيناۋ جۇمىستارى ايتارلىقتاي جەڭىلدەدى. ەڭ باستىسى، قاجەت قۇجاتتاردى ەلەكتروندى تۇردە الۋعا قول جەتكىزىلدى، – دەيدى ە.كيم.

جالپى ەلباسىنىڭ تاپسىرماسى بويىنشا «نۇر وتان» پارتياسى پارتيا قىزمەتىن جاڭعىرتۋ اياسىندا بىرنەشە ستراتەگيالىق جوبالاردى قولعا الىپ وتىر. ولاردىڭ قاتارىندا شاعىن جانە ورتا بيزنەستى قولداۋمەن قاتار تسيفرلاندىرۋدى جۇزەگە اسىرۋ جانە «رۋحاني جاڭعىرۋ» باعدارلاماسىنا ۇلەس قوسۋعا باعىتتالعان پارتيالىق جوبالار بار. بۇدان باسقا جالپىۇلتتىق كۇن تارتىبىنە جانە ستراتەگيالىق باعدارلامالىق قۇجاتتاردى دايىنداۋعا بەلسەنە قاتىسۋ، پارتيا كادرلىق رەزەرۆىن جانداندىرۋ، ەلىمىزدەگى جاستار ساياساتىن ودان ءارى جەتىلدىرۋ، پارتيانىڭ تالداۋ جانە ساراپتاۋ الەۋەتىن ارتتىرۋ سياقتى بىرقاتار ناقتى باعىتتار بويىنشا دا ارنايى جوبالار جۇزەگە اسىرىلاتىن بولادى.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3522