كەزدەسۋ بارىسىندا تاراپتار بيىل 11 ساۋىردە جالال-اباد وبلىسى توعىز تاراۋ اۋدانىندا «دجي ەل ماكمال دەۆەلوپينگ» كومپانياسىنىڭ التىن شىعاراتىن فابريكاسىندا بولعان جاپپاي تارتىپسىزدىكتى تالقىلاعان. كومپانيا باسشىلارىنىڭ دايەگى بويىنشا، شىعىن قۇنى 2,3 ملن دوللاردى قۇراعان.
ءبىرىنشى ۆيتسە-پرەمەر كۋباتبەك بورونوۆ تەرگەۋدىڭ اياقتالۋىن كۇتىپ، ۇيىمداستىرۋشىلاردى انىقتاۋ قاجەت دەگەن. بىراق سوعان قاراماستان «دجي ەل ماكمال دەۆەلوپينگ» كومپانياسىنىڭ باسشىلارى ينۆەستيتسيا تارتۋعا نيەتتى ەكەنىن جەتكىزگەن.
11 ساۋىردە توعىز تاراۋ اۋدانىنىڭ تۇرعىندارى ماكمال التىن كەنىشىندە جاڭا فابريكا تۇرعىزۋعا قارسى بولىپ، نارازىلىق شاراسىنا شىققان. اكتسيا سوڭى جاپپاي تارتىپسىزدىككە ۇلاسىپ، ونداعى عيماراتقا ءورت قويىلعان. قۇقىق قورعاۋ ورگاندارى تاراپىنان 15 ادام ۇستالعان. كەيىن ءۇش ايەلدى بوساتقان. بۇل وقيعاعا قاتىستى قىلمىستىق ءىس قوزعالعان، تەرگەۋ ءىسى ءجۇرىپ جاتىر.
Abai.kz
