قر مادەنيەت جانە سپورت مينيسترلىگى جانىنان قۇرىلعان جاس اقىن-جازۋشىلاردىڭ كەڭەسىنىڭ العاشقى وتىرىسى استانادا ءوتتى. مينيستر ارىستانبەك مۇحاماديۇلى مودەراتور بولعان القا-قوتان جيىندا نە ايتىلدى؟ جاستار كەڭەسى كوتەرگەن ماسەلەلەر قالاي شەشىلەدى؟

جاستار كەڭەسىنىڭ مۇشەسى، اقىن شەرحان تالاپ جيىندا كوتەرىلگەن ماسەلەلەر جايلى شولۋ جاساپ، فەيسبۋكتەگى پاراقشاسىندا جاريالادى.

سونىمەن، مينيسترلىك جانىنان قۇرىلعان كەڭەستىڭ العاشقى وتىرىسى ءوتتى.
ۇسىنىستار ايتىلدى، وي-پىكىرلەر ورتاعا سالىندى.

مəدەنيەت جəنە سپورت ءمينيسترى ارىستانبەك مۇحاممەديۇلى جيىندى اشىپ، ەركىن فورماتتا وتۋىنە يشارا بىلدىرگەننەن كەيىن، جاستار جاعى توسىلىپ قالماۋعا تىرىستى.  جازۋشىلار وداعى توراعاسىنىڭ ءبىرىنشى ورىنباسارى اقبەرەن ەلگەزەك بايانداما جاساپ بىرنەشە ۇسىنىس ايتتى.

ءبىرىنشى، قازاقستاندا جوعارى وقۋ ورنى ستاتۋسى بار "ازيا əدەبيەت اكادەمياسىن" قۇرۋ.  بۇعان مينيستر ۇلتتىق ونەر اكادەمياسىنان فاكۋلتەت ەسەبىندە اشساق دەگەن ءوز ويىن ايتتى.

ەكىنشى، جاستار əدەبيەتىنىڭ وزىق ۇلگىلەرىن بۇۇ-نىڭ التى تىلىنە اۋدارۋ. انتولوگياعا ەنگەن قازاق جاستارىنىڭ ءبىر بولىگى ەۆروپا مەن امەريكادا، ءبىر بولىگى ازيا مەن افريكادا ادەبي تۋرنە جاساۋ.  بۇل ۇسىنىس مينيستر تاراپىنان قولداۋ تاۋىپ، پرەزيدەنت əكىمشىلىگىمەن بىرلەسە جۇمىستار اتقارۋعا ۋəدە ەتىلدى. حالىقارالىق ءىس-شارالاردا ونەردىڭ بارلىق سالالارى قامتىلىپ، اقىن-جازۋشىلاردىڭ سىرت قالىپ جاتاتىنى دا ءمينيستردىڭ اۋىزىمەن ايتىلدى. بۇدان نəتيجە شىقسا، قانەكەي!..

ءۇشىنشى، مəدەنيەت تۋرالى زاڭعا وزگەرىستەر ەڭگىزۋ. بۇل زاڭدا əدەبيەتكە قاتىستى ەشقانداي ءبولىم نە باپ جوق. سونى قايتا قاراۋ. بۇل ۇسىنىس تا الداعى ۋاقىتتا نازارعا الىنىپ، كينوعا قاتىستى زاڭ سەكىلدى بولەك شىعارۋ مəسەلەسى قوزعالدى.

جازۋشىلار وداعىنىڭ استانا قالالىق فيليالىنىڭ ديرەكتورى باۋىرجان قاراعىزۇلى دا بايانداما وقىپ، مىناداي ۇسىنىستار ايتتى:

ءبىرىنشى، ۋنيۆەرسيتەتتەگى قازىرگى قازاق əدەبيەتى وقۋلىعىن قايتا قاراۋ. وقۋ باعدارلاماسىنا وزگەرىستەر ەنگىزۋ.

ەكىنشى، 30-40 جاس ارالىعىنداعى قالامگەرلەرگە مەملەكەتتىك دارەجەدە سىيلىق تاعايىنداۋ.

مينيستر ءوز كەزەگىندە اتقارىلىپ جاتقان جۇمىستارعا جەكە توقتالىپ ءوتتى.
ودان كەيىن əڭگىمەمىزدىڭ اۋانى كينو مەن تەاتردى، ساحننىڭ سىرتىنداعى سيۋجەتتەر مەن ىشكى كۋحنياداعى "قۇپيا" قويىلىمداردى ءبىر شارلاپ كەتتى.
اراسىندا ايتىستىڭ اينالاسىنداعى ءتۇيىندى تاقىرىپتار دا قوزعالىپ ءوتتى.

قالقامان سارين كينودان باستالعان əڭگىمەنى əدەبيەتپەن جالعاپ، نەگىزى تاقىرىبىمىزعا قايتا ورالۋعا ىقىلاس ءبىلدىردى. مۇقاعالي تۋرالى كينو تۇسىرسەك دەگەن ويىن دا تىلگە تيەك ەتتى.

سونداي-اق، ول كىتاپ مəسەلەسىن قوزعاپ، قايتا باسۋ ىسىندەگى جەڭىلدىكتەردىڭ قاجەت ەكەنىن جەتكىزدى.  جاس اقىن-جازۋشىلاردى جۇمىسپەن قامتۋ، تۇركى əلەمىنە ورتاق ءتول سىيلىق دايىنداپ، اۋقىمدى بايقاۋلار وتكىزۋ كەرەكتىگىن ايتتى.

ەرلان ءجۇنىس əڭگىمەنى ايماقتارداعى əدەبي احۋالدان باستاپ، بۇل كەڭەستىڭ وڭىرلىك فيليالدارىن اشۋعا نيەت قوستى. جəنە دە كىتاپ شىعارۋ ىسىندە جاس قالامگەرلەرگە باسىمدىق بەرىلىپ، كەمى 20% جاڭا بۋىنىڭ كىتابى شىقسا دەگەن ويىن ايتتى.

ميراس اسان كىتاپتاردىڭ اۋديو نۇسقالارىن شىعارۋدى ۇسىندى. اۋديو انتولوگيامەن قوسا، ۇلتتىق ارنادا ءۇزىلىپ قالعان "پوەزيا əلەمى" باعدارلاماسى قايتا جالعاسىن تاپسا دەپ تىلەك ءبىلدىردى.

ماقسات مəلىك ءتۇرلى ونەر ۇيىمدارىنىڭ بايلانىسىن جەتىلدىرۋ كەرەكتىگىن، تەاتر، كينو سالالارىنا قالامگەرلەردى تارتۋ قاجەتتىگىن ايتتى.

بەيبىت سارىباي دراماتۋرگياعا قاتىستى ءوز ويىن ورتاعا سالىپ، ءتۇيىندى تاقىرىپتاردىڭ شەشىمىن تابۋعا شاقىردى. جاڭا شىعارمالاردىڭ جارىققا شىعۋى ءۇشىن ونەر اكادەميالارىندا 10 جاس دارىنعا گرانت ءبولۋ مəسەلەسىن كوتەردى.

ۋاقىتتىڭ كەمدىگىنە بايلانىستى وزگە قالامگەرلەر ءوز ۇسىنىسىن ايتىپ ۇلگەرمەدى. قالعان əڭگىمە كەشكى جيىندا تالقىلاناتىن بولىپ شەشىلدى.
مينيستر قوزعالعان مəسەلەلەردىڭ الدا قارالاتىنىن ايتتى.
كوڭىلدە وي كوپ. ايتىلار əڭگىمە دە الدا. العاشقى جيىن كۇرمەۋلى مəسەلەنىڭ ءبəرىن بىردەن شەشىپ تاستاماس. دەسەك تە، تالپىنىس جاسالدى. ايتا-ايتا اۋىر، جازا-جازا جاۋىر بولسا دا، ءبىراز مəسەلەنىڭ باسى قايىرىلدى. قالعانىن جولدان كورەرمىز. قىسقا دا، نۇسقا - وسى. كەيبىر تاقىرىپتاردى كەڭىرەك جازۋعا بولادى. جينالىپ الىپ نە ىستەدى دەپ ويلاپ ۇلگەرگەندەرگە از دا بولسا اقپارات بولسىن دەگەنىم عوي. كەڭەس مۇشەسى رەتىندە ءبىزدىڭ دە ءوز ۇسىنىستارىمىز بار ەدى. ونىڭ دا رەتى كەلەر. كەشكە كورەمىز. اۋدارما، بۇگىنگى سىن، جازۋشىلار وداعىنان تىس əدەبي مەكتەپ قۇرۋ، əدەبيەت پەن كينو سالاسىنىڭ بايلانىسى، əدەبي اگەنتتىكتەر قۇرۋ جۇمىستارى تۋرالى، باسپا ءىسى، ت.ب. تاقىرىپتار توڭىرەگىندە وي قوزعاپ كورەمىز.

تولىعىراق، مىنا سىلتەمەدە.

Abai.kz