سامارقان وبلىسى مادەنيەت جانە سپورت باسقارماسى قىزمەتكەرىنىڭ ايتۋىنشا، كادەيسىي ساتاتىن ون ەكى دۇكەننىڭ يەلەرىنە ايىپپۇل سالىنعان. ونداعى كاريموۆ بەينەسى بار بارلىق زاتتار تاركىلەنگەن.

سامارقان بلوگەرى تاشپۋلات راحماتۋللاەۆتىڭ سوزدەرىنشە، كاريموۆ سۋرەتتەرى جاپسىرىلعان كادەسىيلاردىڭ كوبى ساپاسىز جاسالىنعان.

«كۇنتىزبەلەردە كاريموۆتىڭ سوزدەرى قاتەمەن جازىلعان. مەن بىرەۋىن سۋرەتكە ءتۇسىرىپ ۇلگەردىم. ءبىر سويلەمدە ون ەكى قاتە بار. وندا «قوش بول مەنىڭ حالقىم! بىزگە 25 جىل بىرگە بولۋ جازباعان ەكەن!»، - دەپ جازىلعان دەيدى بلوگەر.

سامارقان ءجۋرناليسى كاريمبەردي تۋرامۋرود قازىر ساۋداگەرلەردىڭ كوبى يسلام كاريموۆتىڭ بەينەسىن تابىس كوزىنە اينالدىرعانىن ايتادى.

قالادا كادەسىي ساتاتىن كاسىپكەردىڭ ءبىرى وسى بيزنەس ارقىلى وتباسىن اسىراپ وتىرعانىن مويىندايدى. «وسى كاسىبىمنىڭ ارقاسىندا مەن كۇندە ۇيگە ەكى تاندىر نانمەن قايتامىن. وتباسىمدى وسىلاي اسىرايمىن»، – دەيدى ول.

Abai.kz