بۇل ونىڭ ناۋرىز ايىندا اكەسى سەرگەي سكريپالمەن سولسبەريدە ۋلانىپ، اۋرۋحاناعا تۇسكەننەن كەيىنگى ءبىرىنشى مالىمدەمەسى.
سكريپال ۋلانعاننان كەيىنگى اعزاسىن قالپىنا كەلتىرۋ وتە اۋىر ءجۇرىپ جاتقانىن ايتتى. تەك اكەسى ەكەۋىنىڭ دەنساۋلىعى بىرتىندەپ تۇزەلىپ كەلە جاتقانىن "ۇلكەن ساتتىلىك" دەپ اتادى. يۋليا سكريپال سونىمەن بىرگە ءوزىنىڭ نە اكەسىنىڭ اتىنان ەشكىم مالىمدەمە جاساماعانىن، ءارى رەسەيلىك ەلشىلىكتەن كومەك سۇراپ جۇگىنگىسى كەلمەيتىنىن ايتقان.
سەرگەي سكريپال جانە ونىڭ قىزى يۋليانى 4 ناۋرىزدا ۇلىبريتانيانىڭ سولسبەري قالاسىندا ەسسىز كۇيىندە تاپقان. ولار ءبىراز ۋاقىتقا دەيىن اۋرۋحانادا ەسسىز كۇيىندە جاتتى. سەرگەي مەن يۋليا سكريپالدەردىڭ قازىرگى ۋاقىتتا قايدا ەكەنىن ەشكىم بىلمەيدى.
بريتان بيلىگى سكريپالدەردى كەزىندە سوۆەت عالىمدارى جاساپ شىعارعان "نوۆيچوك" دەپ اتالاتىن زاتپەن ۋلانعانىن ايتادى. ۇلىبريتانيا ارنايى قىزمەتىنىڭ مالىمدەۋىنشە، ۋلى زات رەسەي اۋماعىندا جاسالىنعان. بىراق ماسكەۋ مۇنى جوققا شىعارادى.
Abai.kz
