پرەزيدەنت مالىمدەمەدە ادامداردىڭ بارعان سايىن ءداستۇرلى باق-تان كەتىپ، تاۋەلسىز بلوگگەرلەر مەن الەۋمەتتىك جەلى سياقتى بالاما اقپارات كوزدەرىنە باسىمدىق بەرىپ جاتقانىن ايتا كەلە:

- بىراق مۇنىمەن قاتار كاسىبيلىك جانە ساپالى كونتەنت - بۇل ءداستۇرلى باق-تىڭ ءاردايىم باسەكەلىك ارتىقشىلىعى بولىپ كەلەدى. تەك ءتۇزۋ جانە شىنايى اقپارات پەن فەيك جاڭالىقتاردى تەكسەرۋ عانا اۋديتوريانى تارتۋعا مۇمكىندىك بەرىپ، وبەكتيۆتى اقپارات كوزى رەتىندە باق بەدەلىن نىعايتا الادى. بۇل ءۇشىن اقپاراتقا قول جەتكىزۋدىڭ اشىق كانالدارىن دامىتىپ، ۇزدىكسىز ديالوگ جاساپ وتىرۋ ماڭىزدى، بۇل ماسەلەلەردى شەشۋدە ارىپتەستىكتى ويداعىداي ورناتۋدىڭ باستى شارتى، - دەگەن.

ال ەۋرازيالىق مەديا فورۋمنىڭ اشىلۋ سالتاناتىندا ءسوز سويلەگەن سەنات دەپۋتاتى داريعا نازارباەۆا ينتەرنەت تەحنولوگيانىڭ دامۋ قارقىنىنا توقتالا كەلە، تروللدەر ماسەلەسىن قوزعاعان.

فورۋمدى ۇيىمداستىرۋ كوميتەتىنىڭ ءتورايىمى مەدياتۇتىنۋ نارىعى وزگەرگەنىن ايتىپ، ينتەرنەت تەحنولوگيانىڭ تىنىسىن سەزىپ وتىراتىن جاڭا بۋىن قالىپتاسقانىن اتاپ ايتقان.

“ينتەرنەت كەڭىستىگىنە كىرۋ جەڭىلدىگى ءوزىن جەتكىزگىسى كەلەتىن تالانتتى ادامدار عانا ەمەس، سونىمەن بىرگە اۆانتيۋريستەر مەن قىلمىسكەرلەرگە، بارلىق ۇلگىدەگى ناسيحاتشىلارعا جول اشتى” دەگەن نازارباەۆا:

- ناعىز جامانى - بۇل تروللدەر، اقپاراتتىق سوعىستىڭ كورىنبەيتىن سولداتتارى، سونىمەن بىرگە جالعان جانە فەيك جاڭالىقتارىن جازۋشىلار. مۇنداي جاعدايدا سار جاعال باسىلىمداردىڭ ءوزى ءتاۋىر كورىنەدى، - دەدى نازارباەۆا.

حV ەۋرازيالىق مەديا فورۋم الماتىدا مامىردىڭ 22-ءسى باستالدى. فورۋمنىڭ سالتاناتتى اشىلۋى مامىردىڭ 23-ءى بولدى. فورۋم باعدارلاماسىندا وعان 60 ەلدەن 600 دەلەگات قاتىسادى دەپ جازىلعان.

فورۋمدا الەمنىڭ قايتا قۇرىلۋى، بىرىگىپ ارەكەت ەتۋدىڭ مۇمكىن ستسەناريلەرى، جاسىل ەكونوميكا كونتسەپتسياسى، اقپارات رەۆوليۋتسياسىنىڭ سالدارى جانە ينۆەستيتسيا ءرولى سياقتى ماڭىزدى ماسەلەلەر تالقىلانىپ جاتىر.

ەۋرازيا مەديا فورۋمى قازاقستاندا 2002 جىلدان بەرى وتكىزىلىپ كەلەدى. فورۋمدى "سامۇرىق-قازىنا" ۇلتتىق ءال-اۋقات قورى قارجىلاندىرادى.

Abai.kz