«جالعىز-جارىم دون-كيحوتتاردىڭ ورنىن ءىرى ساياسي بىرلەستىكتەر الماستىردى» - ازات پەرۋاشەۆ
جالعىز-جارىم دون-كيحوتتاردىڭ ورنىن الماستىرۋعا ءىرى ساياسي بىرلەستىكتەر كەلەدى- بۇل تۋرالى بۇگىن ازات پەرۋاشەۆ «سايلاۋ تۋرالى» زاڭ جوباسىنداعى وزگەرتۋلەردى تالقىلاۋ بارىسىندا ءماجىلىستىڭ پلەنارلىق وتىرىسىندا مالىمدەدى.
پەرۋاشەۆ «اق جول» قدپ فراكتسياسى جۇمىس توبىنىڭ قاراۋىنا وننان استام تۇزەتۋلەر ەنگىزگەنىن اتاپ ءوتتى.
«ولاردىڭ كەيبىرەۋلەرى قابىلداندى، ال كەيبىرىن جۇمىس توبى قابىلدامادى. سوعان قاراماستان، ءبىزدىڭ فراكتسيا بۇل قۇجاتتى قولدايدى، ويتكەنى، ول قاراستىراتىن سايلاۋ رەفورماسى قازاقستاننىڭ پارتيالىق جۇيەسى ءۇشىن وتە ماڭىزدى جانە پوزيتيۆتىك مانگە يە»، - دەپ ايتىپ ءوتتى دەپۋتات.
«اق جول» كوشباسشىسى 2012 جىلدىڭ پارتيالىق باعدارلاماسىندا دا، 2016 جىلى وتكەن سوڭعى پارلامەنتتىك سايلاۋ كەزىندەگى سايلاۋالدى تۇعىرناماسىندا دا پارتيالىق تىزىمدەر بويىنشا ءماسليحات دەپۋتاتتارىن سايلاۋعا كوشۋدى پارتيانىڭ ماقساتتارىنىڭ ءبىرى رەتىندە العا قويعانىن ەسكە سالا كەتتى.
«سوندا ءبىزدىڭ قارسىلاستارىمىز وسى باستاماعا اسا كۇمانمەن قاراپ، ونى « شيكى »جانە« مەرزىمىنەن بۇرىن» دەپ اتاعان بولاتىن.
الايدا، ءدال وسى يدەيا بۇگىنگى كۇنى زاڭ جوباسىنىڭ نەگىزىن قۇراپ وتىرعانى – «اق جول» فراكتسياسىنىڭ كەيدە قولداۋ تاپپاعان كوپتەگەن باسقا دا ۇسىنىستارىنىڭ ەرتە مە كەش پە جۇزەگە اسىرىلاتىنىن راستايدى»، - دەپ باسا ايتتى ازات پەرۋاشەۆ.
سايلاۋ زاڭناماسىن رەفورمالاۋ باستاماسى ساياسي پارتيالاردىڭ، سونىڭ ىشىندە پارلامەنتتىك ازشىلىقتار پارتيالارىنىڭ ۇستانىمدارى مەن الەۋەتىن ءسوزسىز نىعايتادى. ءتىپتى، وسى ءبىر عانا سەبەپتىڭ وزىنەن ونى قولداۋ قاجەت جانە ءتيىستى.
قوعامدا قىزۋ تالقىعا تۇسكەن ءوزىن-ءوزى ۇسىنۋدان باس تارتۋعا كەلەتىن بولساق، ول – مۇنداي رەفورمالاردىڭ بۇلجىماس ناتيجەسى – دەگەن پىكىردە «اقجولدىقتار».
«جالعىز-جارىم جانداردىڭ، تازا ەموتسيونالدىق ۇمتىلىستىڭ داۋرەنى ءوتتى. جالعىز باستى «دون كيحوتتاردىڭ» ورنىن جوسپارلى، ىلگەرى قارىشتاعان جۇمىستارىمەن جانە جۇيەلى ءارى ءبىر ىزدەن تايمايتىن ساياساتقا نەگىزدەلگەن شەشىمدەرىمەن بىرگە ءىرى ساياسي بىرلەستىكتەر الماستىرادى»، - دەپ مالىمدەدى پەرۋاشەۆ.
«اق جول» فراكتسياسى بۇل ءتاسىلدى تەك وڭ باستاما دەپ قانا ەمەس، اسا وڭتايلى دەپ سانايدى.
«سوندىقتان دا، ءبىدىڭ كەيبىر قابىلدانباعان تۇزەتۋلەرىمىزگە قاراماستان بۇل زاڭ جوباسىن ءشۇباسىز قولدايمىز جانە دە ءبىز ۇمىتتەنگەن ءساتتىڭ دە كەلەتىنىنە سەنىمدىمىز»، - دەپ ول ءوز ءسوزىن ءتامامدادى.
Abai.kz
