جۇما, 17 قىركۇيەك 2021
بيلىك 1651 0 پىكىر 28 مامىر, 2018 ساعات 22:37

ءماجىلىس توراعاسى قىتايدان كەلگەن دەلەگاتسيا وكىلدەرىمەن كەزدەستى

ءماجىلىس توراعاسى نۇرلان نىعماتۋلين قىتاي حالىق رەسپۋبليكاسى بۇكىلقىتايلىق حالىق وكىلدەرى جينالىسى تۇراقتى كوميتەتى توراعاسىنىڭ ورىنباسارى ايليگەنگ يمينگباحاي باستاعان دەلەگاتسيا وكىلدەرىمەن كەزدەستى،  - دەپ حابارلايدى اباي-اقپارات.

ءماجىلىس توراعاسى ەكى مەملەكەتتىڭ پرەزيدەنتتەرى نۇرسۇلتان نازارباەۆ پەن سي ءتسزينپيننىڭ ساياساتى ارقاسىندا ءبىزدىڭ ەلدەرىمىز جان-جاقتى ستراتەگيالىق ارىپتەستىك دەڭگەيگە جەتكەنىن ايتا كەلىپ، ەلباسىنىڭ الداعى قىتاي ەلىنە ءىسساپارىنا توقتالدى.

ءوز كەزەگىندە ايليگەنگ يمينگباحاي  قىتايدا ەلباسى نۇرسۇلتان نازارباەۆتىڭ مەملەكەتتىك ساپارمەن كەلۋىن اسىعا كۇتىپ وتىرعانىن جانە بۇل ساپارعا قىتاي ەلى ايرىقشا ماڭىز بەرەتىنىن ايتتى.

سونداي-اق، وسى ساپار ەكى مەملەكەتتىڭ قارىم-قاتىناسىنا تىڭ سەرپىن بەرەتىندىگىنە توقتالدى. تاراپتار اتاپ وتكەندەي، بۇگىندە  قازاقستان پرەزيدەنتىنىڭ «نۇرلى جول» باعدارلاماسى مەن كحر توراعاسىنىڭ «ءبىر بەلدەۋ-ءبىر جول» باستاماسى ناتيجەسىندە  ەلدەرىمىز  يگىلىگىنە باعىتتالعان ورتاق  ىس-قيمىل جىل سايىن تابىستى جالعاسۋدا. كەزدەسۋ يەلەرى اسىرەسە، پارلامەنتارالىق بايلانىستى دامىتۋعا زور كوڭىل ءبولدى.

ءماجىلىس سپيكەرىنىڭ پىكىرىنشە، زاڭ ورگاندارى اراسىنداعى ىنتىماقتاستىق ستراتەگيالىق ارىپتەستىكتىڭ ماڭىزدى بولىگى. سوندىقتان، قوس مەملەكەت پارلامەنتتەرىنىڭ بىرلەسكەن كونسترۋكتيۆتى جۇمىسى ءبىزدىڭ حالىقتارىمىز قول جەتكىزگەن دوستىق، تاتۋكورشىلىك ىقپالداستىقتى ودان ءارى تەرەڭدەتۋگە ىقپال ەتەرى  سوزسىز. وسى رەتتە تاراپتار بەيىندى كوميتەتتەر مەن ىنتىماقتاستىق جونىندەگى توپتار ارقىلى پارلامەنتارالىق ءوزارا ءىس-قيمىلدى جاڭا دەڭگەيگە كوتەرۋگە ۋاعدالاستى.

كەزدەسۋ بارىسىندا قازاقستان مەن قىتاي اراسىنداعى ساياسي ءوزارا ءىس-قيمىلدى تەرەڭدەتۋ، ساۋدا-ەكونوميكالىق ىنتىماقتاستىقتى دامىتۋ، مادەني قاتىناستى كۇشەيتۋ جايى تالقىلانىپ، حالىقارالىق جانە ايماقتىق دەڭگەيدەگى ماڭىزدى ماسەلەلەر قوزعالدى.

Abai.kz

0 پىكىر