جۇما, 29 ناۋرىز 2024
3108 0 پىكىر 18 ماۋسىم, 2018 ساعات 10:24

ادام قاققان تاكسي جۇرگىزۋشىسى ۇيىقتاپ كەتكەن

ماسكەۋ قالاسىنىڭ ورتالىعىندا سەنبى كۇنى كوشەدە كەتىپ بارا جاتقان بىرنەشە ادامدى قاققان تاكسي جۇرگىزۋشىسى 28 جاستاعى قىرعىزستان ازاماتى شىڭعىس اناربەك ۋلۋ جىلدامدىق پەن تەجەگىشتى شاتاستىرىپ العانىن مالىمدەگەن.

رەسەي ىشكى ىستەر مينيسترلىگىنىڭ ماسكەۋ قالاسى بويىنشا باسقارماسى تاكسي جۇرگىزۋشىدەن جاۋاپ العان كەزدە تۇسىرىلگەن ۆيدەونى جەكسەنبى كۇنى سايتىندا جاريالادى.

جۇرگىزۋشى الكوگولدى ىشىمدىك ىشپەيتىنىن، اپاتقا تاپ بولعانعا دەيىن 20 ساعات كولىك ايداعانىن، ال ونىڭ الدىندا نەبارى ەكى-اق ساعات ۇيىقتاعانىن ايتقان. ونىڭ سوزىنشە، اۆتوكولىك جۇرگىزۋشى كۋالىگىن 2013 جىلى العان، ەكى جىل كولىك جۇرگىزۋ تاجىريبەسى بار ونىڭ ماسكەۋدە كولىك ايداپ جۇرگەنىنە ءبىر اي بولعان. ول ءوزىنىڭ قاتىسۋىمەن بولعان وقيعاعا وكىنەتىنىن ايتقان.

بۇعان دەيىن رەسەيلىك "ينتەرفاكس" اگەنتتىگى دەرەككوزىنە سىلتەمە جاساپ، ماسكەۋ ورتالىعىندا بولعان توتەنشە وقيعاعا جۇرگىزۋشىنىڭ كولىك ايداپ كەلە جاتىپ ۇيىقتاپ كەتۋى سەبەپ بولعان دەپ حابارلاعان.

"مەديتسينالىق تەكسەرۋ قورىتىندىسى تاكسي جۇرگىزۋشى شىڭعىس اناربەك ۋلۋنىڭ اعزاسىندا الكوگول جوعىن انىقتادى", - دەگەن ول "ينتەرفاكس" اگەنتتىگىنە.

ماسكەۋدىڭ ورتالىعىنداعى يلينكا كوشەسىندە ماۋسىمنىڭ 16-ى كۇنى تاكسي كولىگى كەنەتەن جول بەلگىسىن باسىپ ءوتىپ، جاياۋلارعا ارنالعان تروتۋارمەن كەتىپ بارا جاتقان ادامداردى قاققان. وقيعا سالدارىنان جەتى ادام زارداپ شەگىپ، دارىگەر كومەگىنە جۇگىنگەن، قازاعا ۇشىراعاندار جوق. مەكسيكانىڭ ماسكەۋدەگى ەلشىلىگى Twitter الەۋمەتتىك جەلىسىندەگى پاراعىندا بۇل وقيعادان زارداپ شەككەندەر اراسىندا "بولماشى" جاراقات العان ەكى مەكسيكالىق ازامات بارىن جانە ولاردىڭ "جاعدايى تۇراقتى" ەكەنىن حابارلاعان.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2276
عيبىرات

قايسار رۋحتى عازيز جان

مۇحتار قۇل-مۇحاممەد 3593