ءتىلشىنىڭ حابارلاۋىنشا، اشحابادتا قانت، ۇن جانە وسىمدىك مايى تاپشى. «تۇركىمەنستاننىڭ بالاما جاڭالىقتارى» باسىلىمىنىڭ حابارلاۋىنشا، استانانىڭ مەملەكەتتىك دۇكەندەرىندە ءاربىر ادامعا تەك ءبىر كەلى قانت پەن 10 جۇمىرتقادان ساتىپ جاتىر. «بالالاردى دۇكەنگە جىبەرمەيدى. ساتۋشىلار ەگەر بالالارعا دا ساتاتىن بولسا، وندا ءاربىر اتا-انا بالاباقشادان بالالارىن الىپ، دۇكەنگە كەزەككە تۇرعىزىپ قويادى دەيدى»، – دەپ جازادى باسىلىم.

ازاتلىك ءتىلشىسىنىڭ حابارلاۋىنشا، تۇركىمەنستاننىڭ كوپتەگەن ايماعىندا ۇن تاپشى. داشوگۋز وبلىسىنىڭ تۇرعىندارى ۇن ساتىپ الۋ ءۇشىن، دۇكەندە ايلاپ كەزەككە تۇرادى ەكەن.

«داشوگۋزدا ۇن جوق. قازىر تۇرعىندار ادام باسىنا ءۇش كەلى ۇن ساتىپ الۋ ءۇشىن، ءبىر اي بۇرىن كەزەككە جازىلادى. بىراق ايماققا قازىر مۇلدەم ۇن اكەلىپ جاتقان جوق. تۇرعىندار وتە اۋىر جاعدايدا. بازاردا استىق جوق. جۇگەرى 13 ماناتقا (رەسمي باعام بويىنشا 4 دوللار) قىمباتتاپ كەتكەن. ادامدار اكىمشىلىككە شاعىمدانادى. بىراق ولار قۇرعاق ۋادەدەن باسقا ەشتەڭە ىستەپ جاتقان جوق»، – دەيدى داشوگۋز وبلىسىنداعى ازاتلىك ءتىلشىسى.

تۇركىمەنستاندا باستى ەكسپورتتىق تاۋار – گاز باعاسى ءتۇسىپ كەتكەننەن كەيىن ەكونوميكالىق داعدارىسقا تاپ بولىپ، حالىقتىڭ تۇرمىسى ناشارلادى. جۇمىسسىزدىق كوبەيگەن. ال شەتەلگە جۇمىس ىزدەۋگە كەتپەك بولعانداردى اشحاباد اۋەجايىنان ۇستاپ، كەرى قايتارىپ جاتىر.

Abai.kz