اۋىلعا كەتىپ بارا جاتقاندا، الماتىنىڭ ۆوكزالىنان الما الا كەتكىم كەلىپ، شەلەككە سالىپ ساتىپ جۇرگەندەردەن باعاسىن سۇرادىم. شەلەگى تولىپ تۇرعان سياقتى ەدى، سومكەگە اقتارىپ قالعاندا، بەس-التى الما عانا توپ ەتە ءتۇستى. قۋلىقتارىنا كۇلكىم كەلىپ كەتتى.

ساتىپ جۇرگەن ءوزىمنىڭ تومپيعان قاراكوزدەرىم. الداپ ساتىپ تۇر دەيىن دەسەڭ، شەلەكتى دە، ىشىندەگى المانى دا كورسەتىپ تۇرىپ سالىپ بەرىپ جاتىر. ەشتەڭە دەگەن جوقپىن. ءۇش قىزدان ءۇش شەلەگىن الدىم دا، كۋپەگە كىرگەلى جاتقانمىن. «المالارىڭ از ەكەن عوي!» دەگەن داۋىس ەستىلدى. بۇرىلىپ قاراسام، ءبىر اپا سولارمەن ساۋدالاسىپ جاتىر ەكەن. اقشاسى جەتپەيتىن بولىپ، تاعى ءبىر شەلەگىن ۇستاپ كەلگەن ءتورتىنشى كىشكەنتاي قىز الماسىن وتكىزە الماي، بۇرتيعانداي بولىپ تۇرىپ قالدى. تيىن-تەبەنىن ساناپ تۇرعان اپاعا ءبىر شەلەگىن ساتىپ الىپ بەردىم دە، اپانىڭ دا العىسى الىپ، قارىنداستى دا ريزا قىلىپ، كۋپەمە كىرىپ كەتتىم.

وسى لەنتادا جاڭا عانا بىرەۋلەر سول قىزداردىڭ شەلەككە المانى قالاپ تۇرىپ سالىپ جاتقان ۆيدەوسىن جاريالاپتى. حالىقتىڭ نيەتى تارىلىپ كەتكەن جوق، حالىق ساۋداسىن ىستەپ، كۇن كورىپ ءجۇر.

بارىنە، حالىققا دا باسقا كوزبەن، اعالىق كوزبەن، قامقور كوزبەن قاراۋدى ۇيرەنەيىكشى، باۋىرلارىم...  

جولىمبەت ماكىشتىڭ Facebook-تەگى پاراقشاسىنان

Abai.kz