اقتوبەدە قىلمىس الەمىندە «اعايىندى تورتەۋ» دەپ تانىلعان قىلمىستىق توپتىڭ سەركەسى ەركىن ءىزباسار باستاعان بىرنەشە ازاماتتىڭ سوتى ءوتىپ، ۇكىمى شىقتى، - دەپ حابارلايدى اباي-اقپارات 31 ارناعا سىلتەمە جاساپ.

ەركىن ءىزباسار 12 جىلعا سوتتالدى. اتىشۋلى ءىستىڭ نۇكتەسىن اقتوبە وبلىسى قىلمىستىق ىستەر بويىنشا حالىقارالىق سوتى قويدى.

ەركىن ءىزباساردىڭ سەنىمدى سەرىگى دەپ سيپاتتالعان اۋحات قاليەۆكە 11 جىلعا باس بوستاندىعىنان ايىرۋ جانە مۇلكىن تاركىلەۋ جازاسى كەسىلدى.

سوتتالۋشىلار اراسىندا وبلىستىق ىشكى ىستەر دەپارتامەنتى باسشىسىنىڭ بۇرىنعى ورىنباسارى راحات احانوۆ تا بار. سوت ونى 5 جىل ءۇش اي باس بوستاندىعىنان، پولكوۆنيك شەنىنەن جانە ءومىر بويى قۇقىق قورعاۋ سالاسىندا ەڭبەك ەتۋ قۇقىنان ايىرۋعا ۇكىم كەستى.

ءبىر سوتتالۋشى قىلمىس جاسالۋ مەرزىمىنىڭ ءوتىپ كەتۋىنە بايلانىستى قىلمىستىق جاۋاپكەرشىلىكتەن بوساتىلدى. تاعى ءبىر سوتتالۋشى ەكى جىلعا باس بوستاندىعى شەكتەلىپ، راقىمشىلىقپەن بوسادى.

قالعان 21 ادام 3 جىلدان 11 جىلعا دەيىنگى مەرزىمگە سوتتالدى. كەيبىر سوتتالۋشىلارعا راقىمشىلىق جاسالىپ، جازا مەرزىمى ءبىر جىلدان ەكى جىلعا دەيىن ازايتىلدى.

ەركىن ءىزباساردىڭ ادۆوكاتى ءمادي مىرزاعاراەۆ سوت ۇكىمى "تىم قاتاڭ" ەكەنىن ايتىپ، اپەللياتسيالىق شاعىم تۇسىرەتىنىن مالىمدەدى.

قىلمىستىق ءىس، مۇناي ۇرلىعى، ۇيىمداسقان قىلمىستىق توپ قۇردى، مۇنايدى زاڭسىز تاسىمالداۋ، ساتۋ جانە رەيدەرلىك جولمەن بيزنەستى تارتىپ الۋ باپتارى بويىنشا قوزعالعان ەدى. سوت پروتسەسى توعىز ايعا دەيىن سوزىلعان.

باستى فيگۋرانت - ەركىن ءىزباسار. مۇگەدەكتەر ارباسىنا تاڭىلعان 50 جاستاعى ءىزباسار، ەلىمىزدە سپورت مەتسەناتى رەتىندە اتى شىققان. 1998 جىلى جول اپاتىنا ۇشىراپ، مۇگەدەكتەر ارباسىن وتىرعان ەركىن، سپورتتىڭ جەكپە - جەك تۇرىنەن بالۋانداردى دايىنداپ، وليمپيادالارعا اپارعان. سونداي- اق، توپتىڭ اقتاۋ، الماتى قالالارىنداعى جانار-جاعارماي ماتەريالدارىنىڭ، كيىم-كەشەك بازارلارىنىڭ، اۆتوتۇراقتاردىڭ جانە استىق بيزنەسىنىڭ ساۋداسىنا بيلىك جۇرگىزگەنى جايلى دا مالىمەت بار.

«اعايىندى تورتەۋ» ءوز قاتارىنا قۇقىق قورعاۋ ورگاندارىنىڭ بۇرىنعى قىزمەتكەرلەرىن، اۋعان ارداگەرلەرىن جانە مانساپ جولى ءساتسىز بولعان سپورتشىلاردى جيناعانى جانە سولار ارقىلى جاساق قۇرعانى ايتىلادى.

جاريا مالىمەتتەرگە سۇيەنسەك، ەركىن ءىزباسار قاشىپ جۇرگەن بەرگەي رىسقاليەۆتىڭ تۋىسى ەكەن. ەركىن ءىزباسار اقتوبەدەگى مۇناي بازاسىنىڭ تەرريتورياسىندا ارنايى وپەراتسيا جۇرگەن كۇنى، الماتىدا ۇستالعان بولاتىن. ۇ

يىمداسقان قىلمىستىق توپتىڭ سەركەسىمەن بىرگە ونىڭ وققاعارى مەن جۇرگىزۋشىسى دە قاسىندا بولعان.

ەركىن ءىزباسار بۇعان دەيىن دە، ياعني 2003 جىلى قىلمىستىق جازاعا تارتىلىپ، 7 جىلعا شارتتى تۇردە باس بوستاندىعىنان شەتتەتىلگەن. جانە ءدال سول جىلى قىلمىستىق توپ قۇرعان.

ال «2005 جىلدان باستاپ بەلگىسىز ادامداردان قارۋ-جاراق الىپ، ونى ساقتاعان.

Abai.kz