سوڭعى كەزدە الەمنىڭ كوپتەگەن ەلدەرىندەگىدەي قازاق تەڭگەسى دا ساعات سايىن قۇنسىزدانىپ بارادى.

اقش-قا ەرەگەسكەن رەسەي ءمينيسترى "دوللارمەن ەسەپ ايىرىسۋدان باس تارتۋىمىز مۇمكىن..." - دەپتى. بىزدىكى ونىسىز دا ورىستىڭ قاباعىن اڭدىپ وتىرعان بەيشارالار. تاياۋ ارادا  ولارعا جاعىمپازدانىپ، وسىنداي بىردەڭەنى بىقسىتۋى ابدەن مۇمكىن.

تۇركيانىڭ ەردوعانى نەشە كۇن بولدى ليرانىڭ قۇنسىزدانۋىن اقش-تان كورىپ، دوللاردان قۇتىلۋدىڭ جولىن ىزدەۋدە. ءوزى رەسەيدىڭ الدىندا جالپاڭ قاعۋدا.

ءجا، دۇرىس دەلىك.

الەم اقپارات قۇرالدارىنىڭ جازعاندارىنا قاراعاندا ءبىزدىڭ ءبىر مىقتى نەمەسە مىقتىلار 350 ميلليارد اقش دوللارىن ۇرلاپ، وفشور اسىرعان دەيدى.

ءپۋتيننىڭ دە، ەردوعاننىڭ دا جانە باسقا «ماڭگىلەردىڭ دە» ۇرلاپ، وفشورعا تىققاندارىنا سان جەتپەيدى دەيدى بىلگىشتەر.

ەگەر وسىلار شىن مىقتى، حالقىنىڭ جاعدايىن ويلايتىن ناعىز كوسەمدەر بولسا، انا وفشورلارعا تىققان ميللياردتارىن بىردەن ۇلتتىق ۆاليۋتاعا ايىرباستاپ، ءوز ەلدەرىنىڭ كاسسالارىنا سالسىن دەر ەدىم.

وزدەرى بار ۇرلاعاندارىن دوللارمەن وفشورلاتادى دا  «دوللاردان قۇتىلۋ كەرەك» دەپ نەگە ساندىراقتايدى ەكەن؟

بۇگىندە بيلىك باسىنداعى قۇدايلاردىڭ ۇرلاماعاندارى، دوللارمەن تىقپىشتاماعاندارى جوق ەكەن.

«قالىڭ ەلىم قازاعىم، قايران جۇرتىم...»(اباي), سونىمەن كىمگە بۇلار دوللاردان قالاي قۇتىلماقشى ەكەن؟

مەن تۇسىنبەدىم...

بەيسەن نارىنباي

Abai.kz