بۇگىن مەملەكەت باسشىسى نۇرسۇلتان نازارباەۆ جۇمىس ساپارىمەن وڭتۇستىك قازاقستان وبلىسىنا كەلدى،دەپ حابارلادى قر پرەزيدەنتىنىڭ ءباسپاسوز قىزمەتى.

وڭتۇستىك قازاقستان وبلىسىنىڭ ورداباسى اۋدانىنا كەلگەن سوڭ، پرەزيدەنت «ورداباسى قۇس» جشس-ءنىڭ جاڭا قۇس كەشەنىن ارالاپ كوردى. بۇل قازاقستاندا ونەركاسىپ نەگىزىندە كۇركەتاۋىق وسىرەتىن العاشقى جوبا. زاماناۋي كاسىپورىن  تۇيىق ونەركاسىپتىك تسيكل رەتىندە قۇرىلعان، قۇس وسىرۋمەن، قۇراما جەم وندىرىسىمەن، ەت وڭدەۋمەن شۇعىلدانادى. كەشەن وتكەن جىلعى جەلتوقساندا ۇدەمەلى يندۋستريالدىق-يننوۆاتسيالىق دامۋ مەملەكەتتىك باعدارلاماسى اياسىندا ىسكە قوسىلدى. كەشەننىڭ جوبالىق قۋاتى - جىلىنا 4800 توننا كۇركەتاۋىق ەتىن ءوندىرۋ، جوبانىڭ جالپى قۇنى - 3 ملرد. 294 ملن.تەڭگە. 500 جۇمىس ورنى اشىلعان.

بۇگىن مەملەكەت باسشىسى نۇرسۇلتان نازارباەۆ جۇمىس ساپارىمەن وڭتۇستىك قازاقستان وبلىسىنا كەلدى،دەپ حابارلادى قر پرەزيدەنتىنىڭ ءباسپاسوز قىزمەتى.

وڭتۇستىك قازاقستان وبلىسىنىڭ ورداباسى اۋدانىنا كەلگەن سوڭ، پرەزيدەنت «ورداباسى قۇس» جشس-ءنىڭ جاڭا قۇس كەشەنىن ارالاپ كوردى. بۇل قازاقستاندا ونەركاسىپ نەگىزىندە كۇركەتاۋىق وسىرەتىن العاشقى جوبا. زاماناۋي كاسىپورىن  تۇيىق ونەركاسىپتىك تسيكل رەتىندە قۇرىلعان، قۇس وسىرۋمەن، قۇراما جەم وندىرىسىمەن، ەت وڭدەۋمەن شۇعىلدانادى. كەشەن وتكەن جىلعى جەلتوقساندا ۇدەمەلى يندۋستريالدىق-يننوۆاتسيالىق دامۋ مەملەكەتتىك باعدارلاماسى اياسىندا ىسكە قوسىلدى. كەشەننىڭ جوبالىق قۋاتى - جىلىنا 4800 توننا كۇركەتاۋىق ەتىن ءوندىرۋ، جوبانىڭ جالپى قۇنى - 3 ملرد. 294 ملن.تەڭگە. 500 جۇمىس ورنى اشىلعان.

قۇس كەشەنىن ارالاۋ كەزىندە مەملەكەت باسشىسى وبلىستا ۇدەمەلى يندۋستريالدىق-يننوۆاتسيالىق دامۋ مەملەكەتتىك باعدارلاماسى مەن شاعىن كرەديتتىك ۇيىمداردىڭ جوبالارىمەن تانىستى. وڭتۇستىك قازاقستان وبلىسىندا وتكەن جىلى سوماسى 34 ملرد.تەڭگەدەن اساتىن 7 يندۋستريالدىق نىسان ىسكە قوسىلدى. 1800 جۇمىس ورنى قۇرىلدى. بيىلعى جىلى تاعى 6 يننوۆاتسيالىق كاسىپورىن قۇرىلاتىن بولادى، ينۆەستيتسيا كولەمى ەكى ەسە وسەدى. وبلىستا قۇرىلعان «ىرىس» جانە «وڭتۇستىك-فينانس» شاعىن كرەديتتىك ۇيىمدارى تەك وتكەن جىلى سوماسى 1 ملرد. 800 ملن.تەڭگەنىڭ 1800-دەن استام جوبانى قارجىلاندىردى. سونىمەن قاتار، 4700 ادام جۇمىسپەن قامتىلدى. دايىندىق ورتالىقتارىن، مال شارۋاشىلىعى ونىمدەرىنىڭ ءوندىرىسى مەن وڭدەۋدى ۇيىمداستىرۋ باسىمدىققا يە بولدى. وتكەن جىلى شاعىن كرەديتتىك ۇيىمدار تاڭداۋلى مال شارۋاشىلىعىن، قۇس شارۋاشىلىعىن، ارا ءوسىرۋ شارۋاشىلىعى مەن وسىمدىك زەرتتەۋ عىلىمىن دامىتۋدى، ناۋبايحانا، جىلىجايلار شارۋاشىلىعىن، قۇرىلىس ماتەريالدار ءوندىرىسىن جولعا قويۋدى قارجىلاندىردى.

پرەزيدەنت سونداي-اق شىمكەنت قالاسىنداعى جاڭا پەريناتالدىق ورتالىقتا بولدى. بالالار ءۇيى شەيح حاليفا بين زايد ءال-ناحايان اتىنداعى قوردىڭ جەكە مەنشىك ينۆەستيتسياسى ەسەبىنەن سالىنعان. جوبانىڭ قۇنى 25 ملن. استام دوللاردى قۇرادى. مەديتسينالىق قىزمەتكەرلەر ءۇشىن 300-دەن اسا جاڭا جۇمىس ورنى اشىلدى. ورتالىق زاماناۋي دياگنوستيكالىق جانە رەانيماتسيالىق اپپاراتۋرالارمەن جاراقتاندىرىلعان. بۇل انالار مەن جاڭا تۋىلعان نارەستەلەرگە جوعارى ساپالى مەديتسينالىق كومەك كورسەتۋگە مۇمكىندىك تۋعىزادى.

مۇنداي جوبالار بارىنەن بۇرىن، دەنساۋلىق ساقتاۋ سالاسىن دامىتۋعا جانە قازاقستاندىقتاردىڭ دەنساۋلىعىن جاقسارتۋعا باعىتتالعان. سونىڭ ناتيجەسىندە بۇگىندە بالا تۋ 25 پايىزعا ارتتى، ءولىم 11 پايىزعا تومەندەدى. حالىقتىڭ تابيعي ءوسىمى 1,7 ەسەگە ۇلعايدى، انا مەن بالا ءولىمىنىڭ كورسەتكىشتەرى ازايدى.

مەديتسينانى قارجىلاندىرۋ بەس جىل ىشىندە 4 ەسەگە ءوستى جانە قازىر 660 ملرد. اسا تەڭگەنى قۇرايدى. تەك سوڭعى 3 جىلدا وڭىردە زاماناۋي تالاپتارعا جاۋاپ بەرەتىن 100 قۋاتتى مەديتسينالىق جانە كوپسالالى ارۋرۋحانا تۇرعىزىلدى. ولاردا حالىققا بىلىكتى مەديتسينالىق كومەك كورسەتىلىپ كەلەدى. قازاق مەديتسيناسى جوعارى تەحنولوگيا مەن زاماناۋي ەمدەۋ تاسىلدەرىن يگەرۋدە. بۇگىندە ەلىمىز بويىنشا العاش رەت ەڭ كۇردەلى مەديتسينالىق باعىتتار بويىنشا وپەراتسيالار جاسالۋدا. ءتيىمدى كارديولوگيالىق جانە كارديوحيرۋرگيالىق قىزمەتتەر قۇرىلدى. قازاقستاندىق حيرۋرگتەر جۇرەككە ارنالعان كۇردەلى وپەراتسيالاردى جاساۋدا. رەسپۋبليكالىق ەمحانا بازاسىندا العاش رەت جىلىك مايىنا ترانسپلانتاتسيا جاساۋ جانە بۇيرەكتى الماستىرۋ بويىنشا بىرەگەي وپەراتسيا جاسالدى. تانىمال حالىقارالىق عىلىمي ورتالىقتارمەن سەرىكتەستىك ءۇشىن استانادا ءومىر تۋرالى عىلىمي ورتالىق اشىلۋدا. وندا راك، جۇرەك- قان تامىرلارى جانە وزگە دە اۋرۋلاردىڭ الدىن الۋدىڭ ءتيىمدى ادىستەمەسىن، دياگنوستيكانى، ەمدەۋدى قاراستىراتىن بولادى. ادام گەنى سالاسىندا، ورگاندار مەن تكانىن ترانسپلانتاتسيا جاساۋ، كلەتكالار وزەگىنە قولدانۋ، بيوينجەنەريا مەن ۇزاق جاساۋ مەديتسيناسى تۋرالى عىلىمي زەرتتەۋ جۇمىستارى جۇرگىزىلەتىن بولادى.

حالىقتىڭ 40 پايىزدان استامى اۋىلدىق جەرلەردە تۇراتىنىن ەسكەرە وتىرىپ، اۋىلدىقتار ءۇشىن قولجەتىمدى مەديتسينالىق كومەكپەن قامتاماسىز ەتۋ ماسەلەسى ءبىرىنشى كەزەكتەگى مانگە يە. بۇل ماقساتتا كوپتەگەن ىستەر اتقارىلدى. 2010 جىلى جاڭا الەۋمەتتىك جوبا ىسكە قوسىلدى: «دەنساۋلىق» اتتى ەكى ەمدەۋ-دياگنوستيكالىق پويىز جۇمىسىن باستادى. ناتيجەسىندە ەلىمىزدىڭ شالعاي اۋماقتارىندا تۇراتىن ون مىڭداعان ادام دارىگەرلىك تەكسەرىستەن ءوتىپ، ەم الدى. بيىلعى جىلى تاعى ءبىر پويىز ىسكە قوسىلادى. زاماناۋي جابدىقتارمەن جاراقتاندىرىلعان جانە دارىگەرلىك بريگادامەن قامتاماسىز ەتىلگەن 50 جىلجىمالى مەديتسينالىق كەشەن ساتىپ الىنادى. 2015 جىلعا قاراي 350 دارىگەرلىك امبۋلاتوريا، فەلدشەرلىك-اكۋشەرلىك پۋنكتتەر مەن ەمحانالار سالىناتىن بولادى.

ازاماتتاردىڭ دەنساۋلىعىن قورعاۋ - پرەزيدەنتتىڭ الەۋمەتتىك ساياساتىنىڭ ماڭىزدى باعىتى.  بۇل سالانى دامىتۋدىڭ باسىم باعىتتارى قاتارىنا: دارىگەرلەردىڭ بەدەلىن ارتتىرۋ، ادامدارعا مەيلىنشە قولداۋ كورسەتۋ، وسى سالاعا كاسىبي مامانداردى ىرىكتەپ الۋ جاتادى. ون جىل ىشىندە قازاقستاندا دارىگەرلەردىڭ ەڭبەكاقىسى 6,5 ەسەگە ارتتى. بيىلعى جىلى بۇل كورسەتكىش تاعى 30 پايىزعا وسەتىن بولادى. بۇگىندە مەديتسينالىق قىزمەتكەرلەر ەڭ ۇزدىك شەتەلدىك وقۋ ورتالىقتارى مەن ەمحانالارىندا تاجىريبەدەن ءوتىپ، بىلىمدەرىن جەتىلدىرۋ مۇمكىندىكتەرىنە يە بولدى. مەملەكەتتىك تۇرعىن ءۇي مەملەكەتتىك باعدارلاماسىن ىسكە اسىرۋ ءبىرىنشى كەزەكتە، مەديتسينا قىزمەتكەرلەرى مەن پەداگوگتەردى باسپانامەن قامتاماسىز ەتۋگە ارنالعان. مەملەكەت دەنساۋلىق ساقتاۋ قىزمەتكەرلەرىنىڭ الەۋمەتتىك مارتەبەسىن ودان ءارى نىعايتىپ، ولاردىڭ جۇمىس ىستەۋى مەن كاسىبي دەڭگەيىنىڭ ءوسۋى ءۇشىن قولايلى جاعداي تۋعىزاتىن بولادى.