بيىلعى جىلعى 1 ساۋىردەگى جاعداي بويىنشا مەملەكەتتىك ەڭبەك ينسپەكتورلارى رەسپۋبليكاداعى 140 كاسىپورىندا 1,1 مىڭنان استام جۇمىسكەر الدىندا 642 ملن تەڭگەدەن اساتىن جالاقى بەرەشەگىن انىقتادى.

سونىمەن قاتار جۇرگىزىلگەن تەكسەرۋلەر بارىسىندا ءتۇرلى ۇيىمداردا ەڭبەك قۇقىقتارىنىڭ 2 مىڭنان استام ساقتالماۋى تىركەلدى.

"جالاقى بويىنشا بەرەشەك پەن ەڭبەك قۇقىقتارىنىڭ بۇزۋشىلىقتارى انىقتالعان كاسىپورىن باسشىلارىنا ورىنداۋعا مىندەتتى 1 110 نۇسقاما بەرىلىپ، جالپى سوماسى 136,5 ملن تەڭگەدەن اساتىن ايىپپۇل سالىندى", – دەلىنگەن حابارلامادا.

قابىلدانعان شارالاردىڭ، ونىڭ ىشىندە جالاقى بەرەشەگىن وتەۋدىڭ ناقتى مەرزىمدەرى مەن قاتاڭ كەستەسىن بەلگىلەۋدىڭ ناتيجەسىندە 7 مىڭ جۇمىسكەردىڭ قۇقىعى قورعالىپ، ولارعا 463,3 ملن تەڭگە تولەندى.

سونىمەن قاتار قر ەڭبەك جانە حالىقتى الەۋمەتتىك قورعاۋ مينيسترلىگى ەڭبەك زاڭناماسىنىڭ ساقتالۋىنا مەملەكەتتىك باقىلاۋدى قامتاماسىز ەتۋ ماسەلەلەرىن ەرەكشە باقىلاۋدا ۇستاپ وتىر.

2026 جىلعى 1 ساۋىردەگى دەرەكتەرگە سايكەس مەملەكەتتىك ەڭبەك ينسپەكتورلارى 1 723 تەكسەرۋ جۇرگىزىپ، ونىڭ بارىسىندا 2 065 قۇقىقبۇزۋشىلىق انىقتادى.

ونىڭ ىشىندە: ەڭبەك قاتىناستارى سالاسىندا – 1 735, ەڭبەك قاۋىپسىزدىگى جانە ەڭبەكتى قورعاۋ بويىنشا – 305, حالىقتى جۇمىسپەن قامتۋ ماسەلەلەرى بويىنشا – 25.

قابىلدانعان شارالاردىڭ ناتيجەسىندە 17,5 مىڭ جۇمىسكەردىڭ ەڭبەك قۇقىعى قورعالدى.

Abai.kz