وسىدان ءبىراز ۋاقىت بۇرىن پرەزيدەنتتىڭ قولىنان وردەن الىپ تۇرىپ: «مەن ءسىزدىڭ كومەكشىڭىز بولعانمىن جانە بولىپ قالا بەرەمىن»، دەپ كەمسەڭدەپ كوزىنە جاس العان ۇكىمەت باسشىسى كارىم ءماسىموۆ  كەرەمەت جاڭالىق اشتى. ءماسىموۆتىڭ جاڭالىعى  ونسىز دا «قازاق» دەگەن ۇلتتىڭ قايدان شىققانىن تاراتا الماي جاتقان حالىقتىڭ جۇمىسىن ودان بەتەر قيىنداتىپ جىبەرگەن شىعار دەپ وتىرمىز. «جوعارىداعىلار نە دەر ەكەن؟» دەپ جۇرگەن تاريحشىلار مۇلدەم باعىت-باعداردان ايرىلىپ تىنعان بولار!

بۇرىن   «قازاقستان حالقىن» قازاقتار جانە تاريحي جاعدايلارعا قاتىستى ەلگە كەلگەن ۇلىستار قۇرايدى دەگەنگە كونەتىنبىز. «ۇلى تاريحشى» اعامىزعا سەنسەك، بۇنىمىز  قيانات كورىنەدى.

اگرارلىق ۋنيۆەرسيتەتتىڭ ۇيىمداستىرۋىمەن وتكەن «جاستار - قازاقستان حالقىنىڭ بىرلىگى ءۇشىن» دەگەن جيىندا ءماسىموۆ ءماز بولىپ تۇرىپ: «ۇيعىرلار، قازاقتار، نەمىستەر جانە باسقا قازاقستاندا قونىستانعان ۇلتتار تۇتاس قوعامدى قۇراپ وتىر»، دەپ كوسىلىپتى! «ورىس»، «ۋكراين»، «وزبەك»، «كارىس» باسقا ەتنوستار ۇمىت قالىپتى. قىزىق ەكەن! ارينە، تۇتاس قوعام ەكەنىمىز راس. الايدا، ءار ۇعىمنىڭ ءتيىستى ورنى بولادى ەمەس پە؟ قانشا جەردەن تولەرانتتى بولايىق، يناباتتى بولايىق، شىندىقتىڭ دا شىڭعىراتىن جەرى بولادى ەمەس پە؟ قازاق - قازاقستاندا تۇراتىن كوپ ۇلىستىڭ ءبىرى عانا ەمەس شىعار!؟ ۇيعىرعا دا، نەمىسكە دە جاۋلىعىمىز جوق. دەگەنمەن دە...

وسىدان ءبىراز ۋاقىت بۇرىن پرەزيدەنتتىڭ قولىنان وردەن الىپ تۇرىپ: «مەن ءسىزدىڭ كومەكشىڭىز بولعانمىن جانە بولىپ قالا بەرەمىن»، دەپ كەمسەڭدەپ كوزىنە جاس العان ۇكىمەت باسشىسى كارىم ءماسىموۆ  كەرەمەت جاڭالىق اشتى. ءماسىموۆتىڭ جاڭالىعى  ونسىز دا «قازاق» دەگەن ۇلتتىڭ قايدان شىققانىن تاراتا الماي جاتقان حالىقتىڭ جۇمىسىن ودان بەتەر قيىنداتىپ جىبەرگەن شىعار دەپ وتىرمىز. «جوعارىداعىلار نە دەر ەكەن؟» دەپ جۇرگەن تاريحشىلار مۇلدەم باعىت-باعداردان ايرىلىپ تىنعان بولار!

بۇرىن   «قازاقستان حالقىن» قازاقتار جانە تاريحي جاعدايلارعا قاتىستى ەلگە كەلگەن ۇلىستار قۇرايدى دەگەنگە كونەتىنبىز. «ۇلى تاريحشى» اعامىزعا سەنسەك، بۇنىمىز  قيانات كورىنەدى.

اگرارلىق ۋنيۆەرسيتەتتىڭ ۇيىمداستىرۋىمەن وتكەن «جاستار - قازاقستان حالقىنىڭ بىرلىگى ءۇشىن» دەگەن جيىندا ءماسىموۆ ءماز بولىپ تۇرىپ: «ۇيعىرلار، قازاقتار، نەمىستەر جانە باسقا قازاقستاندا قونىستانعان ۇلتتار تۇتاس قوعامدى قۇراپ وتىر»، دەپ كوسىلىپتى! «ورىس»، «ۋكراين»، «وزبەك»، «كارىس» باسقا ەتنوستار ۇمىت قالىپتى. قىزىق ەكەن! ارينە، تۇتاس قوعام ەكەنىمىز راس. الايدا، ءار ۇعىمنىڭ ءتيىستى ورنى بولادى ەمەس پە؟ قانشا جەردەن تولەرانتتى بولايىق، يناباتتى بولايىق، شىندىقتىڭ دا شىڭعىراتىن جەرى بولادى ەمەس پە؟ قازاق - قازاقستاندا تۇراتىن كوپ ۇلىستىڭ ءبىرى عانا ەمەس شىعار!؟ ۇيعىرعا دا، نەمىسكە دە جاۋلىعىمىز جوق. دەگەنمەن دە...

باسقا-باسقا، پرەمەر مىرزا سان وزگەرگەن، سان قۇبىلعان سوڭعى ساناقتىڭ دەرەكتەرىن بىزدەن دە جاقسى بىلەتىن بولار! تەم بولەە، سىرتقا قاشقان «قىزىمىز» قاراماعىندا قىزمەت اتقاردى. ياعني، ۇلتتىق قۇرىلىمداعى قاي «كومپونەنتتىڭ» ءبىرىنشى، ەكىنشى، ءۇشىنشى ەكەنىن، ورىن-ورنىن بىزدەن كەم بىلمەس. كارەكەڭنىڭ وتىز تىسىنەن (بالكىم، وتىز ەكى بولار) شىققان ءسوز ينتەرنەت ارقىلى وتىز رۋلى ەلگە تاراپ كەتتى. ەڭ الدىمەن، ارينە، ءماسىموۆتىڭ بۇل «امەريكاسى» وزىنە ەتەنە جاقىن «ۆەستي.كز»، «تەنگري-نيۋس» سياقتى سايتتاردا جاريالاندى. ارتىنان الەۋمەتتىك جەلىلەرگە دە كەڭىنەن قونىستانا باستادى. «ۇلى جاڭالىق» رەسەيلىك، الەمدىك سايتتاردان ورىن الدى...

الايدا، سوڭى نە بولعانى بەلگىسىز، كارىمنىڭ «ۇلى جاڭالىعى» ءىز-ءتۇسسىز جوعالا باستادى. ەڭ الدىمەن وزىنە جاقىن سايتتارداعى سىلتەمەلەرى اتىمەن جويىلدى. بىراق، ينتەرنەتتىڭ ءبىر كەرەمەتى بار: كەڭىستىككە تۇسكەن توسىن اقپارات جويىلىپ كەتپەيدى. كارىم قاجىمۇقانۇلىنىڭ قىرۋار «جاڭالىعى» الەم تورىپ كەتتى.

ودان ەش جەرىمىز قيسايماس. بىراق، كورپەگە قاراي كوسىلۋ قاجەت دەگەندى قايدا جىبەرەيىك؟ ايتىلعان ءسوز - اتىلعان وق! ۇلتتىق ماسەلە، ۇلت پەن ۇلىستاردىڭ اراسىنداعى قاتىناستار وتە نازىك ماتەريا. بۇنىڭىز كورىكسىز «كلاستەر»، سۇراۋسىز «ستابيليزاتسيا» ەمەس. اركىم بىلگەنى تۋرالى سويلەگەنى ابزال...

«اباي-اقپارات»