قاۋىپسىز ايماق 15 قازانعا دەيىن قۇرىلۋى ءتيىس. وسى ۋاقىتتىڭ ىشىندە قالادان قارۋلى كۇش جانە اۋىر قارۋ-جاراق تەحنيكاسى شىعارىلۋى كەرەك.
تۇركيا پرەزيدەنتى رەجەپ تايىپ ەردوعان مەن رەسەي پرەزيدەنتى ۆلاديمير پۋتين 17 قىركۇيەكتە سوچيدە كەزدەسۋ وتكىزدى. ولار سيرياداعى جاعداي، ەكى ەلدىڭ ساۋدا جانە قاۋىپسىزدىك ماسەلەلەرىن تالقىلاعان.
بوچاروۆ بۇلاعى ماڭىنداعى رەزيدەنتسيادا ەكى ەل باسشىسى ءۇش ساعاتقا جۋىق جابىق ەسىك جاعدايىندا كەزدەسكەن.
يدليب – ازىرگە سيريا ۇكىمەتى باقىلامايتىن سوڭعى اۋماق. بۇل ايماق بۇگىندە وپپوزيتسيا مەن يسلام قارۋلى توپتىڭ باقىلاۋىندا. سوڭعى اپتادا رەسەي اۋە كۇشتەرى يدليبكە بىرنەشە سوققى بەردى.
رەسەي، يران جانە سيريا پرەزيدەنتى باشار اساد يدليب داماسكىنىڭ باقىلاۋىنا ءوتۋى ءتيىس دەسە، تۇركيا ايماقتى وپپوزيتسيالىق كۇش باقىلاي الادى دەگەن ۇستانىمدا.
Abai.kz
