قازاقستان ۇكىمەتى مەن كونسورتسيۋم اراسىندا كىرىستى تۇسىمدەردى بولىسۋدە كەلىسپەۋشىلىك بولعان. وسىعان سايكەس، استانا حالىقارالىق سوتقا ارىزدانعان.

قازاقستاننىڭ ەنەرگەتيكا مينيسترلىگى تاراتقان مالىمدەمەدە سوت پروتسەسى بارىسىندا تاراپتار ءوزارا ءتيىمدى جولدى تاۋىپ، بىتىمگە كەلدى دەلىنگەن.

بىتىمگە سايكەس، كونسورتسيۋم قازاقستانعا 10 جىلعا ينفراقۇرىلىم جوبالارى قۇرىلىسى ءۇشىن ءبىر ملرد دوللار كولەمىندە قارىز بەرمەك. ەگەر رەسپۋبليكا قارىزدان باس تارتقان جاعدايدا، 200 ملن دوللار وتەماقى تولەنەدى.

قازاقستاننىڭ ەنەرگەتيكا ءمينيسترى قانات بوزىمباەۆتىڭ سوزدەرىنشە، قازىرگى كەزدە رەتتەۋدىڭ نەگىزگى قاعيدالارى كەلىسىلگەن، ەندى ناقتى كەلىسىمگە جىل سوڭىنا دەيىن قول قويىلۋعا ءتيىس.

قاراشىعاناق كەنىشى 1979 جىلى قازاقستاننىڭ سولتۇستىك-باتىسىندا اشىلعان. كەنىش 280 شارشى شاقىرىمدى الىپ جاتىر. بۇل الەمدەگى ەڭ ءىرى گاز شيكىزاتى ورنالاسقان كەنىش. قازىر بۇل جەرلەردى قپو يگەرىپ جاتىر. ونىڭ قاتىسۋشىلارى - British Gas Group, Eni, «شەۆرون»، «لۋكويل» جانە «قازمۇنايگاز».

Abai.kz