2018 جىلعى 1 شىلدەدەگى جاعداي بويىنشا قازاقستاننىڭ سىرتقى قارىزى 164,4 ملرد اقش دوللارى بولدى. بۇل كورسەتكىش ءىجو-گە قاتىناسى 96,3%  بولسا، جىل باسىنان باستاپ 6,3%-عا جاقسارعان.

بۇل تۋرالى قر ۇلتتىق بانكى ءباسپاسوز قىزمەتى مالىمدەدى.

«سىرتقى قارىزدىڭ قۇرىلىمىنا كەلسەك،  63,0%-ى فيرماارالىق بەرەشەك، 26,1% كرەديتورلارعا قاتىسسىز «باسقا سەكتورلاردىڭ» سىرتقى قارىزى، 7,2% - مەملەكەتتىك سىرتقى بورىشى (ۇكىمەت پەن ۇلتتىق بانك), 3,7% - «بانكتەر» سەكتورىنىڭ سىرتقى مىندەتتەمەلەرى (ەدب جانە «قازاقستاننىڭ دامۋ بانكى» اق) بولىپ وتىر»، - دەلىنگەن حابارلامادا.

2018 جىلعى 2-توقساندا ەلدىڭ سىرتقى بورىشى 2,2 ملرد اقش دوللارىنا قىسقاردى.

Abai.kz