سەرگەي دۆورتسەۆويدىڭ "ايكا" اتتى ءفيلمى قازاقستان اتىنان "شەتەلدىك ۇزدىك فيلم" نوميناتسياسى بويىنشا "وسكار" جۇلدەسىنىڭ لونگ-ليستىنە كىردى. بۇل تۋرالى جۇلدەنىڭ سايتىندا جازىلعان.

وسى سانات بويىنشا "وسكار" جۇلدەسىنەن ۇمىتتىلەردىڭ قاتارىندا كونستانتين حابەنسكيدىڭ - "سوبيبور", رەجيسسەر داريا جۋكتىڭ بەلورۋستىك لەنتاسى - "حرۋستال", ۋكراينالىق رەجيسسەر سەرگەي لوزنيتسانىڭ - "دونباسس" ءفيلمى ، قىتاي رەجيسسەرى تسزيان ۆەننىڭ Hidden Man ءفيلمى بار.

جۇلدەدەن ۇمىتتىلەردىڭ قاتارىنا كىرەتىن بەس كارتينانىڭ اتى 22 قاڭتاردا ايتىلادى، جۇلدە 24 اقپاندا "وسكاردىڭ" 91-ءنشى سالتاناتىندا تابىس ەتىلەدى.

"ايكا" ءفيلمى قىرعىزستاندىق قىزدىڭ ءومىرىن سۋرەتتەيدى، ول ماسكەۋدە استىرتىن جۇمىس ىستەپ، ءومىر سۇرەدى. كۇتپەگەن جەردەن جۇكتى بولىپ قالعان ول بالاسىن پەرزەنتحانادا تاستاپ كەتەدى. ۋاقىت وتە كەلە ونىڭ انالىق سەزىمى ويانىپ، ايكا تاستاپ كەتكەن ۇلىن ىزدەي باستايدى.

Abai.kz