كەزدەسۋ بارىسىندا ەكى ەل اراسىنداعى ونەركاسىپ، ماشينا جاساۋ، كولىك جانە اۋىل شارۋاشىلىعى سالالارىنداعى ساۋدا-ەكونوميكالىق ىنتىماقتاستىقتى ودان ءارى دامىتۋ، سونداي-اق، ەكونوميكانىڭ ءتۇرلى سالالارى مەن جوعارى تەحنولوگيالار سالاسىندا بىرلەسكەن جاڭا جانە قازىرگى ينۆەستيتسيالىق جوبالاردى ىسكە اسىرۋ ماسەلەلەرى تالقىلاندى.
بۇدان وزگە، قر مەن قحر اراسىنداعى قارىم-قاتىناستى نىعايتۋدىڭ جاڭا درايۆەرىنە اينالعان، «نۇرلى جول» جاڭا ەكونوميكالىق ساياساتى مەن «ءبىر بەلدەۋ، ءبىر جول» ستراتەگياسىنىڭ تۇيىندەسۋى اياسىنداعى ءوزارا ءىس-قيمىل تاقىرىپتارى قارالدى.
قىتاي مەن قازاقستان اراسىنداعى ديپلوماتيالىق قاتىناستار 1992 جىلعى 3 قاڭتاردا ورناعان. 2017 جىلى قىتاي قازاقستاننىڭ ءىرى سىرتقى ساۋدا سەرىكتەسىنە اينالدى. قر-نىڭ باسقا ەلدەرمەن تاۋار اينالىمىنىڭ جالپى كولەمىندە قحر ۇلەسى 17,4% قۇرادى (ەكسپورت – 13,4%، يمپورت – 27,5%). وسى جىلدىڭ قاڭتار–تامىز ايلارىندا قازاقستان مەن قىتاي اراسىنداعى تاۋار اينالىمى $7251,2 ملن قۇرادى، بۇل وتكەن جىلدىڭ سايكەس كەزەڭىنەن 11,3% جوعارى. ەكسپورت 5,9% ءوسىپ، $3753,7 ملن قۇرادى. يمپورت $3498,2 ملن قۇرادى.
ەكسپورتتىڭ نەگىزگى تاۋارلارى اراسىندا اۋىل شارۋاشىلىعى ءونىمى — $157 ملن (ەكسپورتتاعى ۇلەسى 5%), ءوسىم – 48,4% ($51,2 ملن-عا), مىس جانە مىستان جاسالعان كاتودتار — $862,4 ملن (ەكسپورتتاعى ۇلەسى – 23%),ءوسىم – 27,1% ($183,7 ملن-عا), تابيعي گاز — $635,7 ملن (ۇلەسى – 16,9%), ءوسىم – 7 ەسە ($544,2 ملن), فەرروقورىتپالار — $511 ملن (ۇلەسى – 13,6%), كەن جانە مىستى كونتسەنتراتتار —$491,2 ملن (ۇلەسى – 13,1%) جانە شيكى مۇناي — $414,7 ملن (ۇلەسى – 11%).
Abai.kz
