ەلباسى نۇرسۇلتان نازارباەۆ حالىققا جاريالاعان «پرەزيدەنتتىڭ بەس الەۋمەتتىك باستاماسى» اتتى ۇندەۋىنىڭ ءۇشىنشى باستاماسى قازاقستاننىڭ ءبىلىم بەرۋ جۇيەسىندەگى وڭ وزگەرىستەرگە ارنالعان. بىلىم سالاسىنداعى ەلباسى باستاماسى ەلدەگى جاستاردىڭ عانا ەمەس جاسوسپىرىمدەردىڭ دە ساپالى ءبىلىم الۋىنا مۇمكىندىك تۋعىزدى.  

شاردارا اۋدانى الاتاۋ باتىر اۋىلىنىڭ بۇلدىرشىندەرى ەندى مەكتەپكە دەيىنگى تاربيە مەكەمەسىمەن قامتىلاتىن بولدى. جاڭادان پايدالانۋعا بەرىلگەن بالاباقشا 25 بالاعا لايىقتالعان.جەكە كاسىپكەردىڭ قارجىسىنا سالىنعان عيمارات زامان تالابىنا تولىقتاي جاۋاپ بەرەدى.

شاردارا اۋدانى الاتاۋ اۋىلدىق وكرۋگىندە  9 مىڭنان استام تۇرعىن بار. بۇعان دەيىن  290 بالانى قامتىعان مەملەكەتتىك 2 بالاباقشا جۇمىس ىستەيتىن. بىراق بۇل اۋىلداعى بالاباقشا سۇرانىسىن تولىق قامتاماسىز ەتپەگەن. وسىنى نەگىزگە العان جەكە كاسىپكەر بالاباقشا سالۋدى قودلعا الدى. ءسويتىپ تۇڭعىش پرەزيدەنت كۇنى قارساڭىندا مەكتەپكە دەيىنگى تاربيە مەكەمەسىنىڭ عيماراتىن پايدالانۋعا بەردى.

اۋىل تۇرعىندارى  ءۇشىن  بۇل-ۇلكەن قۋانىش.ەندى بالالارىن بالاباقشاعا بەرىپ الاڭسىز جۇمىس ىستەۋگە مۇمكىندىك تۋدى.  زاماناۋي ۇلگىدە سالىنعان مەكتەپكە دەيىنگى ءبىلىم بەرەتىن مەكەمە  25 بالاعا شاقتاپ سالىنعان. بوبەكجايدا جاسى 2-گە تولماعان بوبەكتەر تاربيەلەنەدى.  مۇندا  7 مامان بالالارعا تاربيەمەن قاتار ءبىلىم بەرۋدى  قولعا العان.

گۇلايىم اعمەنتايقىزى - بالاباقشا قۇرىلتايشىسى

يگى باستامادا بۇل جوسپارمەن توقتاپ قالعىم كەلمەيدى.قوسىمشا شاعىن بالاباقشالاردى ىسكە اسىرۋ جوسپاردا بار.وسى ككۇنگە دەيىن اتقارعان قىزمەتتىمنىڭ تاجىربيەسىنىڭ ناتيجەسىندە ەلىمە ۇلەس قوسامىن.

«قالامقاس انا» بالاباقشاسىنىڭ ءىشى جىلى، اۋلاسى كەڭ، مۇنتازداي تاپ-تازا. اشىلۋ سالتاناتىنا نەمەرەلەرىن ەرتە كەلگەن اۋىل تۇرعىندارى نىساندى ارالاپ كورىپ، ۇجىم  جۇمىسىنا وڭ باعاسىن بەردى. الداعى جىلدارى بالا سانىنىڭ وسۋىنە بايلانىستى قوسىمشا عيمارات سالۋ جوسپاردا بار.

Abai.kz