ەلباسى «نازارباەۆ ۋنيۆەرسيتەتى» دەربەس ءبىلىم بەرۋ مەكەمەسىنىڭ عىلىمي-زەرتتەۋ كەشەنىنە باردى
مەملەكەت باسشىسى «نازارباەۆ ۋنيۆەرسيتەتى» دەربەس ءبىلىم بەرۋ مەكەمەسى ينفراقۇرىلىمىنىڭ ءبىر بولىگى سانالاتىن جاڭا عىلىمي-زەرتتەۋ كەشەنىنىڭ جۇمىسىمەن تانىستى. بۇل تۋرالى اقوردانىڭ رەسمي سايتى جازدى.
اتاپ ايتقاندا، قازاقستان پرەزيدەنتى ەلەكتروندىق ميكروسكوپيا، اتومدىق-كۇش ميكروسكوپياسى، روبوت تەحنيكالارى جانە زياتكەرلىك جۇيەلەر، وزىق روبوت تەحنيكالارى مەن مەحاتروندىق جۇيەلەر زەرتحانالارىن، سونداي-اق ەنەرگەتيكالىق عارىشتىق زەرتحانانى ارالاپ كوردى.
جالپى، كەشەندە 117 زەرتحانا، سونىڭ ىشىندە 67 ينجەنەرلىك-تەحنيكالىق، 40 حيميا-بيولوگيالىق جانە 10 تازا ايماق بار.
Abai.kz
