استانا. 26 ءساۋىر. قازاقپارات - بۇگىن يتاليانىڭ چيۆيتاۆەكيا قالالىق سوتىندا الدىن الا تەرگەۋ سۋدياسى، پروكۋرور جانە  قورعاۋشى يۆانى ءمانيدىڭ قاتىسۋىمەن ۇستالعان قازاقستاندىق ازاماتقا قاتىستى العاشقى جاۋاپ الۋ بولدى، دەپ حابارلايدى قر ءسىم ءباسپاسوز قىزمەتى.

پروكۋرور سوت وتىرىسىندا قازاقستان ازاماتىنا قاتىستى ايىپ تاعىلىپ وتىرعان ءۇش باپتى اتادى، ونىڭ ەڭ ەلەۋلىسى - اۋە كەمەسىن باسىپ الۋعا ارەكەت جاساۋ بابى بويىنشا ول ۇزاق مەرزىمدى باس بوستاندىعىنان ايىرىلۋى مۇمكىن.

سۋديا تاعىلىپ وتىرعان ايىپپەن كەلىستى. وسى وتىرىستا قورعاۋشى تاراپىنان كەپىل قويىپ نەمەسە ەشقايدا كەتپەۋ تۋرالى قولحات جازىپ بەرۋ ارقىلى تۇتقىندى سىرتقا شىعارۋ ماسەلەسى كوتەرىلمەدى، بىراق قورعاۋشى پسيحوتەراپەۆتىڭ قولعا تۇسكەن ازاماتتىڭ دەنساۋلىعىنا تاۋەلسىز ساراپتاما جۇرگىزۋ تۋرالى ءوتىنىش ايتىپ، سۋديا ونى قولدادى.

ءىستىڭ الداعى شارالارى رەتىندە ايىپتالۋشىنى قاماۋعا الۋ شەشىمى قابىلداندى. سۋديا كەيىنىرەك كەلەسى جاۋاپ الۋ كۇنىن ايتادى. قازاقستاننىڭ يتالياداعى كونسۋلدىعى يتاليان بيلىگىنەن ەلىمىزدىڭ ازاماتىن كۇندە كورىپ تۇرۋعا رۇقسات الدى. سونداي-اق يتالياداعى قر ەلشىلىگىنىڭ وكىلدەرىنە  ۆ.گ.تولماچەۆپەن كەزدەسۋ مۇمكىندىگى بەرىلدى.

استانا. 26 ءساۋىر. قازاقپارات - بۇگىن يتاليانىڭ چيۆيتاۆەكيا قالالىق سوتىندا الدىن الا تەرگەۋ سۋدياسى، پروكۋرور جانە  قورعاۋشى يۆانى ءمانيدىڭ قاتىسۋىمەن ۇستالعان قازاقستاندىق ازاماتقا قاتىستى العاشقى جاۋاپ الۋ بولدى، دەپ حابارلايدى قر ءسىم ءباسپاسوز قىزمەتى.

پروكۋرور سوت وتىرىسىندا قازاقستان ازاماتىنا قاتىستى ايىپ تاعىلىپ وتىرعان ءۇش باپتى اتادى، ونىڭ ەڭ ەلەۋلىسى - اۋە كەمەسىن باسىپ الۋعا ارەكەت جاساۋ بابى بويىنشا ول ۇزاق مەرزىمدى باس بوستاندىعىنان ايىرىلۋى مۇمكىن.

سۋديا تاعىلىپ وتىرعان ايىپپەن كەلىستى. وسى وتىرىستا قورعاۋشى تاراپىنان كەپىل قويىپ نەمەسە ەشقايدا كەتپەۋ تۋرالى قولحات جازىپ بەرۋ ارقىلى تۇتقىندى سىرتقا شىعارۋ ماسەلەسى كوتەرىلمەدى، بىراق قورعاۋشى پسيحوتەراپەۆتىڭ قولعا تۇسكەن ازاماتتىڭ دەنساۋلىعىنا تاۋەلسىز ساراپتاما جۇرگىزۋ تۋرالى ءوتىنىش ايتىپ، سۋديا ونى قولدادى.

ءىستىڭ الداعى شارالارى رەتىندە ايىپتالۋشىنى قاماۋعا الۋ شەشىمى قابىلداندى. سۋديا كەيىنىرەك كەلەسى جاۋاپ الۋ كۇنىن ايتادى. قازاقستاننىڭ يتالياداعى كونسۋلدىعى يتاليان بيلىگىنەن ەلىمىزدىڭ ازاماتىن كۇندە كورىپ تۇرۋعا رۇقسات الدى. سونداي-اق يتالياداعى قر ەلشىلىگىنىڭ وكىلدەرىنە  ۆ.گ.تولماچەۆپەن كەزدەسۋ مۇمكىندىگى بەرىلدى.

كەزدەسۋ بارىسىندا انىقتالعانداي، ول ادام قاماۋ شارتتارىنا شاعىم بىلدىرمەيتىندىگىن ايتقان. جەكە كامەرادا وتىرعان ونىڭ دەنساۋلىعىنا ەشقانداي قاۋىپ ءتونىپ تۇرعان جوق. ۆ.تولماچەۆتىڭ ءوزى بولسا قاتتى وكىنۋ جاعدايىندا. ول ءوز سوزىندە وقيعا كەزىندە ءوزىنىڭ ءىس-ارەكەتىن باقىلاۋعا الا الماي قالعانىن، ءوزىنىڭ ىسىنە قاتتى وكىنىپ، تەرگەۋمەن تولىق ىنتىماقتاستىق جاساۋعا دايىن ەكەنىن بىلدىرگەن.

ۆ.تولماچەۆ يتاليان ءتىلىن بىلەدى، سوندىقتان اۋدارماشى سۇراتپادى.