استانا. 28 ءساۋىر. قازاقپارات - قازاق اقپارات اگەنتتىگى رەسپۋبليكالىق باسىلىمداردا 28 ءساۋىر، بەيسەنبى كۇنى شىققان وزەكتى ماتەريالدارعا شولۋدى ۇسىنادى.

***

قارجىلىق باقىلاۋ اگەنتتىگى تا­راتىلىپ، ونىڭ قىزمەتى ۇلتتىق بانك­­كە بەرىلگەلى بەرى ءارتۇرلى پىكىرلەر ايتىلۋدا. وسى ماسەلەگە، قارجى سالاسىنداعى باس­قا دا تۇيتكىل ويلارعا بايلانىستى اباي اتىنداعى ۇلتتىق پەداگوگيكالىق ۋنيۆەرسيتەتى قارجى كافەدراسىنىڭ مەڭگەرۋشىسى، ەكونوميكا عىلىمدارىنىڭ دوكتورى، قارجىگەر بەيسەنبەك زيا­بە­كوۆ «ايقىن» گازەتىندە وقىرمانمەن ءوز پىكىرىن بولىسكەن. «بانك جۇيەسىندەگى داعدارىستىڭ نەگىزگى سىرتقى سەبەپتەرىنىڭ ءبىرى رەتىندە ۇلتتىق بانك پەن قارجى نارىعى جانە قارجى ۇيىمدارىن رەتتەۋ جانە باقىلاۋ جونىندەگى اگەنتتىك جۇرگىزگەن نەسيە بەرەتىن ۇيىمداردىڭ قىزمەتىن رەتتەۋ ساياساتىنىڭ ناشار بولعانىن كەلتىرۋگە بولادى»، - دەيدى ساراپشى. بىلىكتى مامان پىكىرىنە قانىققىڭىز كەلسە، «ۇلتتىق بانك پەن ۇكىمەت بىرلەسىپ جۇمىس ىستەۋى ءتيىس» دەگەن ماقالاعا كوز جۇگىرتىڭىز.

استانا. 28 ءساۋىر. قازاقپارات - قازاق اقپارات اگەنتتىگى رەسپۋبليكالىق باسىلىمداردا 28 ءساۋىر، بەيسەنبى كۇنى شىققان وزەكتى ماتەريالدارعا شولۋدى ۇسىنادى.

***

قارجىلىق باقىلاۋ اگەنتتىگى تا­راتىلىپ، ونىڭ قىزمەتى ۇلتتىق بانك­­كە بەرىلگەلى بەرى ءارتۇرلى پىكىرلەر ايتىلۋدا. وسى ماسەلەگە، قارجى سالاسىنداعى باس­قا دا تۇيتكىل ويلارعا بايلانىستى اباي اتىنداعى ۇلتتىق پەداگوگيكالىق ۋنيۆەرسيتەتى قارجى كافەدراسىنىڭ مەڭگەرۋشىسى، ەكونوميكا عىلىمدارىنىڭ دوكتورى، قارجىگەر بەيسەنبەك زيا­بە­كوۆ «ايقىن» گازەتىندە وقىرمانمەن ءوز پىكىرىن بولىسكەن. «بانك جۇيەسىندەگى داعدارىستىڭ نەگىزگى سىرتقى سەبەپتەرىنىڭ ءبىرى رەتىندە ۇلتتىق بانك پەن قارجى نارىعى جانە قارجى ۇيىمدارىن رەتتەۋ جانە باقىلاۋ جونىندەگى اگەنتتىك جۇرگىزگەن نەسيە بەرەتىن ۇيىمداردىڭ قىزمەتىن رەتتەۋ ساياساتىنىڭ ناشار بولعانىن كەلتىرۋگە بولادى»، - دەيدى ساراپشى. بىلىكتى مامان پىكىرىنە قانىققىڭىز كەلسە، «ۇلتتىق بانك پەن ۇكىمەت بىرلەسىپ جۇمىس ىستەۋى ءتيىس» دەگەن ماقالاعا كوز جۇگىرتىڭىز.

جارعاق قۇلاقتارى جاستىققا تيمەي، اركەز «ايدى اسپانعا شىعارۋعا» تالپىنىپ جۇرەتىن امەريكالىق جۋرناليستەر جۋىردا تاعى ءبىر قىزىقتى دەرەكتەردى العا تارتتى. بۇل جولى ايگىلى «USA Today» گازەتىنىڭ تىلشىلەرى 2012 جىلى لوندوندا وتەتىن جازعى وليمپيادا ويىندارىنا بولجام جاساعان ەكەن. وسى ماسەلە ارقاۋ بولعان ماقالا «ايقىن» گازەتىندە  «اقش باسىلىمىنىڭ بولجامىندا اقيقات بار ما؟» دەگەن تاقىرىپپەن جاريالاندى. «اقش باسىلىمىنىڭ پايىم­داۋىنشا، قازاقستان قۇراماسى لوندوندا 3 التىن مەدالدى يە­لەنەدى. ونداي قۇرمەتكە قوس اۋىر اتلەت - سۆەتلانا پودوبەدوۆا مەن مايا مانەزا جانە تاەكۆوندوشى ارمان شىلمانوۆ لايىق دەپ تانىلدى»، - دەپ جازادى باسىلىم. بايراقتى باسەكە قارساڭىنداعى بولجاممەن تولىق تانىسقىڭىز كەلسە، گازەتتىڭ بۇگىنگى سانىن جىبەرىپ الماڭىز.

***

«الاش ايناسى» گازەتىنىڭ تۇراقتى «دات!» ايدارىندا تاريح عىلىمىنىڭ كانديداتى مىرزاحان ەگامبەرديەۆپەن اراداعى سۇحبات «بارلىق مەكتەپتەر مەن جوعارى وقۋ ورىندارىنا «تۇركى حالىقتارىنىڭ تاريحى» نەمەسە «جالپى تۇركى تاريحى» ءپانى ەنگىزىلسە دۇرىس بولار ەدى» دەگەن تاقىرىپپەن باسىلدى. باسىلىم ءتىلشىسىنىڭ بارلىق ساۋالدارىنا ەگجەي-تەگجەيلى جاۋاپ بەرگەن ول: «ءدىنى ءبىر، ءتىلى ءبىر، مادەنيەتى مەن سالت-ءداستۇرى بار تۇركى مەملەكەتتەرى ەۋروپا مەملەكەتتەرى ىسپەتتى مادەني-ينتەگراتسيالىق ۇيىم قۇرعانى دۇرىس بولار ەدى. بۇل بىرلىككە جەتۋ ءۇشىن دە حالىقتىڭ ساناسىن ۇلتتىق باعىتتا دامىتقان ابزال»، - دەيدى.

«وسىعان دەيىن اقش-تىڭ پوليتسەيلەرى قازاقستان ازاماتى كيريلل دەنياكيندى اتىپ تاستاعانى تۋرالى ايتىلعان بولاتىن. قازىرگى كۇنى قازاقستاننىڭ اقش-تاعى ەلشىلىگى بۇل ماسەلەنىڭ ەگجەي-تەگجەيىن انىقتاپ جاتىر»، - دەپ جازادى «الاش ايناسى» گازەتى. باسىلىمنىڭ اتاپ وتۋىنشە، ەلىمىزدىڭ سىرتقى ىستەر مينيسترلىگى اتالعان ازاماتتىڭ جەرلەسىمىز ەكەندىگىن راستاپ وتىر. قازىرگى كۇنى قر ءسىم قازاقستاننىڭ ۆاشينگتونداعى ەلشىلىگىنە ماسەلەنىڭ ءمان-جايىن انىقتاۋدى، قۇقىق قورعاۋ ورگاندارىمەن  بايلانىستا بولۋدى جانە ەڭ باستىسى، ءمايىتتى ەلگە الىپ كەلۋگە كومەكتەسۋدى تاپسىرعان. ماقالا «اقش پوليتسياسى قازاقستان ازاماتىن اتىپ تاستادى» دەگەن تاقىرىپپەن بەرىلگەن.

***

ەلىمىزدە فۋتبولدان جاسوسپىرىمدەر اراسىندا قر پرەزيدەنتىنىڭ كۋبوگى ءۇشىن حالىقارالىق تۋرنير باستالدى. وسى جايت ارقاۋ بولعان ماقالا «استانا اقشامى» گازەتىندە «سەگىز كوماندا سايىسقا كىرىستى» دەگەن تاقىرىپپەن بەرىلگەن. باسلىلىمنىڭ اتاپ وتۋىنشە، ءتورتىنشى رەت ءوتىپ جاتقان ءداستۇرلى جارىسقا سەگىز كوماندا قاتىسۋدا. ءبىر اپتاعا سوزىلاتىن تۋرنير استانا-ارەنا ستاديونىندا وتۋدە. ۇتىس قورى 20 مىڭ دوللاردى قۇراعان پرەزيدەنت كۋبوگى بىلتىردان بەرى ەلوردادا ءوتىپ كەلەدى.

***

«كازاحستانسكايا پراۆدا» گازەتىنىڭ جازۋىنشا، قازاقستان پرەزيدەنتى نۇرسۇلتان نازارباەۆتىڭ باستاماسىمەن قۇرىلعان تۇركىتىلدەس ەلدەردىڭ پارلامەنتتىك اسسامبلەياسىنىڭ قىزمەتى، سونداي-اق تۇركى تىلدەس مەملەكەتتەردىڭ ىنتىماقتاستىعىنىڭ ماڭىزدى اسپەكتىلەرى كەشە اسسامبلەيا فورۋمىنا قاتىسۋعا كەلگەن ءازىربايجان رەسپۋبليكاسى ميللي مەدجليسىنىڭ توراعاسى وكتاي اسادوۆ جانە تۇركيا رەسپۋبليكاسى ۇلى ۇلتتىق جينالىسىنىڭ توراعاسى مەحمەت ءالي شاحينمەن قر پارلامەنتى ءماجىلىسىنىڭ توراعاسى ورال مۇحامەدجانوۆتىڭ اراسىنداعى كەزدەسۋلەر بارىسىندا قوزعالدى. بۇل جايىندا باسىلىمنىڭ بەيسەنبىلىك سانىنداعى «راسشيريايا ديالوگ تسيۆيليزاتسي» دەگەن تاقىرىپتاعى ماقالادا كەڭىنەن باياندالعان.