41-مارتە وتكىزگەن ءباسپاسوز كونفەرەنتسياسىندا رەسەي پرەزيدەنتى: ء"بىز قارۋلانۋدى تەجەۋ حالىقارالىق جۇيەسىنىڭ ساتسىزدىگىنە كۋا بولدىق. وعان اقش-تىڭ كەلىسىمنەن شىعۋى سەبەپ بولدى. سوعان بايلانىستى ءبىز قارۋلانۋ جارىسىنا قوسىلۋعا ءماجبۇر بولدىق، ءتىپتى العا شىقتىق. بىراق بۇنى مۇمكىندىكتەردىڭ تەڭەسۋى رەتىندە قاراۋعا بولادى. باسقا ەشتەڭەنى بىلدىرمەيدى. بىراق ولار تاعى كەلىسىمنەن - ورتا جانە قىسقا قاشىقتىققا ارنالعان زىمىرانداردى جويۋ تۋرالى قۇجاتتان شىعادى. سوندا ءبىز نە ىستەۋىمىز كەرەك؟ ەرتەڭ ءبىزدى وزىپ كەتتى دەپ سىناپ جۇرمەسىن", - دەدى.
پۋتين ءباسپاسوز كونفەرەنتسياسىن مالىمەتتەردى قىسقاشا تانىستىرۋدان باستادى: رەسەيدە بارلىعى جاقسى، "ىلگەرى باسۋ ءۇشىن" ۇلتتىق جوبالار قاجەت. اقشانى بوسقا تاراتۋعا بولمايدى، ونى ۇلتتىق جوبالارعا سالۋ كەرەك.
ۋكراينالىق ءتىلشى رومان تسيمباليۋكتىڭ "وككۋپاتسيالانعان دونباسقا قانشا اقشا جۇمسالدى؟" دەگەن سۇراعىنا ول: "ۋكراينا بيلىگى ەكونوميكالىق بلوكادا ەنگىزدى، ءوز ازاماتتارىن اتىپ جاتقان دا سولار، ءبىز "بەيبىتشىلىك پەن وركەندەۋدى قالايمىز", - دەپ جاۋاپ بەردى.
"اسكەري تۇتقىندار الماستىرۋدى ۇنەمى جۇرگىزىپ وتىرامىز. كەرچ بۇعازىندا ۇستالعان ۋكراين تەڭىزشىلەرىن الماستىرۋ قىلمىستىق ءىستى اياقتالعان سوڭ جۇزەگە اسادى", - دەدى پۋتين.
Abai.kz
